再見...小肥

2月23日從本來只是一年365日中其一日, 不過今年的2.23卻有不同, 我會永遠記住的.

當日仲係沙巴玩緊開心緊時, 爸b突然打電話來話小肥永別了, 本來心想小肥都快十三歲, 都可能係時候了, 但知道了牠原來是跳樓的, 心就痛得好緊要了. 即時忍不住痛哭. 爸b話當日妹妮同yayagigi出左去返音樂班, 爸b自己又出左街, 大約7點返到屋企時大廈管理員就問佢係有養黑貓, 因為有隻黑貓墮樓, 佢地將遺體包入膠袋了. 爸b話佢上樓後唔見小肥, 都確定到就係佢了...

新年前兩隻貓沖完涼返黎影既相, 係最後合照了

其實旅行前都發覺近排小肥常常無故well well 聲大叫, 以前佢都間中會叫下的. 但係去摸下佢又無聲出, 不過就覺得佢愈來愈瘦, 愈來愈輕. 當時心諗不如帶佢去睇下醫生檢查一下, 但係連續兩個trip, 返黎無耐又走, 都係返黎先算啦. 當時腦海都有一刻閃過佢會唔會係有癌病呢? 因為成日都聽說老貓老狗都會有cancer, 不過既然佢好地地當然最好當無事啦. 但係當聽到小肥跳落街, 我可以相信小肥一定係有病了, 可能係唔想死係屋企, 或者已經忍受唔到病痛 所以自己跳落街了結生命.

 

貓狗一向都好有靈性, 而且小肥又好乖, 我選擇相信佢係自殺...其實如果聽到佢係好安詳咁壽終正寢, 我可能會為佢高興, 最心痛同難過係小肥跳樓, 死得好慘呀. 老公已經將小肥葬去山邊...

收線後, 一切片段不斷在腦海湧現, 小肥係我同爸b拍拖時買的, 當時佢好細隻, 我諗兩個月大左右. 因為佢黑媽媽好似我讀書時養那隻貓, 所以雖然黑色我地買下了. 不經不覺由98年養到現在, 當時寵物店話小肥係5月26日出世的, 今年5月小肥就13歲了.

一落機爸b就車我去睇小肥個'墓', 見到小肥而家長埋地底, 真係好傷心, 淚又流了,  好可惜唔可以同佢講再見. 妹妮仲細個, 有次佢問小肥去左邊? 我話佢去左heaven了, 妹妮問do you miss him? 真係雙眼即時通紅晒.

尋日我地帶埋妹妮去探小肥, 等佢知小肥雖然已經去了天堂, 但係就長眠地底. 之後今日再去, 佢都認得小肥就係埋係個度...妹妮都識得話佢好miss 小肥呀. 只有時間係洗去傷痛, 小肥我地真係好掛住你, 但係好地會好堅強好好活下去, 希望小肥你早日安息, 我地一家永遠都會懷念你.

好想post多幾張小肥細個時既相, 不過以前都未有dc, 都係菲林相, 有機會搵多幾張時再同大家分享.