hea遊東京相根之旅2011- day 1

2月10日. 晴

 我地去旅行呀!! 期待左好耐, 又有得飛好開心呀!! 本來係打算去下d熱帶地方hea下, 點知心儀的布吉同蘇梅packge都要成6,7千蚊. 睇睇下見到東京package仲平! 於是又去東京! 東京真係去左好多次, 今次去埋相根啦!

妹妮將呢個黑喼據為己有, 當正係佢既一樣, 仲話叫爸b幫佢拉喼, yaya問點解呀? 佢話因為自己要坐strolly推唔到喼噃! 你睇, 呢個樣就係未出發先興奮喇

今次專登揀早機去, 8點起飛, 6點半就到機場了, 食埋早餐啱啱好上機

今次個飛機餐開正妹妮個瓣, 有腸仔, 有yogurt, 啱晒胃口

飽飽後就覺豬豬, 今早5點就起身, 好快已經放晒電了, 一覺瞓到落機

去到機場都一點了, 到日本第一餐居然係星巴克!

搭express出新宿, 都要成個幾鐘, 次次黎都唔記得搭邊樣最抵. 不過而家帶住妹妮又有b車, 唯有揀樣最直接, 唔駛轉車的

check in 酒店後都成4點幾, 嗱嗱聲出街行下先, 是日都係得5-6度, 所以幇妹妮戴好晒帽呀, 頸巾呀. 今次住sunroute plaza, 離JR站幾分鐘路程, 算幾近, 不過我地鐘意住歌舞伎町那邊, 貪樓下好多食店, 隨時落街都買到宵夜

行行下聽到音樂, 妹妮又michael jackson上身, 當街跳舞 -____-"

入去食幾件壽司攝下牙隙先

嘩! 自己用木筷子都夾到呀

之後去行街街, 本來去lawson買埋宮崎駿博物館入場卷, 點知黎緊幾日都爆滿!! 今次去唔到了, 妹妮都係最近先睇過龍貓, 認得宮崎駿d卡通, 所以初初聽到有龍貓睇就好開心, 可惜又無得去, 買唔到飛買香蕉奶, 一樣飲得咁開心

飲完蕉奶玩蕉池

上次黎東京都成年前了, 妹妮大左好多呀.

去到hysteric mini, 仲識自己攞帽試戴, 仲要照埋鏡

又無啦啦自己攞衫去拼, 不過d yen咁貴, 我地要慳住買呀, 所以只係買左一, 兩件咋

聽到音樂, 又黎料, 叫都唔肯走

見到有catwalk video又定係度睇, 叫佢走都話要睇埋先. 妹妮真係奇怪, 一時又好有表演慾咁, 一時又好怕醜, 真係好矛盾架

爸b話今晚唔好帶b車, 妹妮行左咁多路已經攰到爆, 扭爸b抱抱

又要搵食了, 街上有人肉廣告版呀

次次都無咩頭緒想食咩, 見到呢間食天婦羅就去試下啦!

即叫即炸, 比你睇埋 好新鮮呀

自拍全家幅

個天婦羅餐都好多豐富呀, 除左平時的大蝦同疏菜, 仲有魚, 妹妮唔食其他炸物, 就淨係食晒條魚.

爸b個便當都唔錯, 兩樣都不過不失, 味道ok啦

臨走時妹妮見門口有個電話, 就拎起自言自語當自己同yaya傾電話

返酒店了, 經過見d賣相唔錯, 又試下雪糕同魚仔餅

凍冰冰食雪糕, 不過加埋個暖笠笠燒餅好好味呀

今日妹妮食左好多野呀, 立立集集都食左好多樣呀, 係時候返屋企覺豬了. 舊年佢第一次黎日本時, 坐厠咪會發出流水聲既, 上 次妹妮好驚呢d聲, 驚到唔敢坐上坐厠. 不過上次去北海道時已經無咁驚(因為可以熄左唔出聲). 今次都仲記得D厠所會出聲, 除褲時會講明 : mami, i don't want sound. 真係好記性呀

今次訂左間大d既房, 唔駛3個逼埋一張床.

第一日戰利品係得咁小咋.