差不多了, 追番之前幾篇都追得7788了.
有日拎住妹妮去完生日會攞返屋企個波波, 夾上佢個髪夾上, 個波波跟住妹妮走, 個傻妹不知幾開心
郁黎郁去, 睇下個波點走
2月26日, 我地帶妹妮去搭纜車呀, 今日實行搭巴士. 對上一次同妹妮上山頂應該都成年幾前了, 我記得好似係一歲都未夠時盲中中走去半山一間幼稚園面試後順便去山頂行下. 而家諗番起都唔知點解會走到咁遠報nursery架, 好彩無收咋!
好小同妹妮一齊搭工車, 妹妮好鐘意搭大車架
搭車途中無啦啦話要wee wee, 我地去PP落車順便wee wee, 跟住經香港公園行去纜車站
個魚塘有好多魚噃
睇佢幾型, 雙手插袋呀
終於行到纜車站了, 難得妹妮自己行無扭抱. 又好彩時間尚早, 條隊唔算長
間中將媽me大脾當櫈坐休息下
排左一陣就入到閘了, 不過原來入閘後仲要再排隊等上車架. 但係比起平時離遠已經見到既長龍, 今日可以話超短了.
妹妮話 : le 太(你睇), 纜車呀!
其實我地都係遊客黎架, 入閘前車站有人幫我地影左張5R仲整理鎖匙扣一套賣 $138 爸b居然都買左!! 影個時其實我有猶疑過叫d職員唔駛幫我地影喇, 我地唔係遊客唔會買架喇...點知!
我地N年無搭過纜車了, 妹妮就係第一次
中段都好斜下架, 好似差不多有45度架.
對頭車
不用十分鐘就上到山頂了, 一程車要成$25都真係幾貴呀.
經過爉象館見到占士邦幾大影番張相先啦, 妹妮初初有D驚唔敢掂個爉象架, 後來掂下知佢係假先無咁驚咋
上到頂咁滯又係醫肚時間, 今次食阿甘, 個景真係無敵呢
又博命影相 
一早食左早餐, 所以唔肚餓架, 係諗住妹妮係時候食野, 順便坐下hea下. 叫左個蝦拼盤, 妹妮居然鐘意食!
平時食薯條都唔點茄汁, 今日突然開竅要食茄汁呀. 仲食得好滋味, 又有奶昔飲, 包無餓親啦!
出到去見到對阿甘鞋, 妹妮都要試著
去食阿甘有氣球拎, d美國餐廳真係識tum細路嘞. 見到有鼓就係咁打!
出到外面仲興奮
呢個景一睇就知係住好啲啦, 但係影相又幾得意噃
呢個經典背景去到山頂點可以唔景呀! 是日風和日麗, 上黎hea下真係好舒服架!
No comments:
Post a Comment