新床單 + 朋友仔

呢排我地又多左去飲茶, 不過通常次次去不同茶樓, 唔駛食埋同一樣野嘛 (雖然來來去去都是點心)

好耐無叫粥比妹妮, 呢幾日突然主動話要食粥, 仲自己慢慢餵自己食

點解突然咁想食粥? 皆因呢幾次開始比佢食埋d脆脆囉, 佢發覺原來除左就咁食, 加落粥一樣好食噃! 於是食晒成碗呀.

飲完茶去公園玩, 好耐無去過了, 而家妹妮好似又大隻左, 玩到可以好似馬騮咁吊吊fing呀

就算好似消防員咁sir碌柱都唔驚了

因為買左新床, 所有要買番d床單同被袋, 之前d bb床單都唔啱用了. 本來睇中套粉色hello kitty, 諗住帶妹妮去買, 點知佢第一時間擸左套全青綠色我覺得幾核突既keroro! 後來我同爸b再不斷比唔同既公仔佢睇, 就改變主意要左翠兒同阿寶...但係佢都唔識looney tunes d 公仔, 仲問我阿寶係咪 big bad wolf 潻 -__-

爸b繼續力sell其他我地兩個覺得靚既公仔, 但係妹妮真係好堅持, 問極都係話要個套looney tunes...妹妮既硬頸頑固性格開始形成了...

無計啦, 我地就範喇...不過爸b都係要買埋佢自己鐘意既大口仔

好野, 有新被單了!! 妹妮拎左3秒後就話好重放低左了

返屋企打開套looney tunes, 都唔係咁差啫, 妹妮仲好鐘意呀. 即時鋪上身

去show比爸b睇

瞓醒晏覺有朋友仔黎探我地呀!! 妹妮想show比Ellie睇自己張新床, 點知Ellie怕怕

妹妮好無奈咁呀

出去玩煮飯仔啦

妹妮係咁餵Ellie食煮飯仔餸, 初初Ellie仲肯食, 可能食左幾次都係食風, 一d都無野落肚, 跟住都唔肯再食了.

啱啱先一歲既Ellie仲未識自己行, 不過妹妮急不及待要拖住佢走

成個大姐姐咁

一浪接一浪, Ellie走左到表妹到, 比妹妮試下抱抱, 表妹知道危險即喊!!

可能係驚左妹妮呀! 哈哈哈哈!!