3.23 心情有如過山車

今日3.23, 小肥剛好離開我地一個月了...估唔到一個月後的今天, 金魚'哥哥'都走埋. 平時哥哥都成日反肚, 但篤一篤佢又會游番水無事, 我地都習以為常, 點知佢今日真係走了... 其實好多人對金魚都無咩感覺, 因為金魚太易死了, 不過當你替佢改埋名時, 好似又有點點感情, 有d唔捨得...成個月都好似好黑咁既?!

之前都知道GAP China開張了, 以前成日想買美國babygap, 但又唔寄香港, 而家中國有, 運費到香港都只係$30/單, 一d都唔貴呀, 簡直係good news!! 今次見到心水貨品, 就小試牛刀買幾件啦. 嗶, 真係好快呀, 星期一晚禁制落單, 今日已經運到!!

平時去美國, 日本旅行都會專喉住d減價GAP架, 而家有得網購真係啱晒我呢D online shopper!!

今季既花花print好靚呀, 買左幾件比妹妮...係呀, 成個order都係比妹妮架, 我無份架!

覺得個print同jill stuart個d好似呀, 但係平幾倍! 妹妮都好鐘意呀, 即刻拼上身

試完一件又一件, 買左蛋糕裙, 蛋糕top同蛋糕skirt 加襪褲...全係我最鐘意既ruffles!!!

又叫埋yayaGigi試, 仲話即刻想換潻!

跟住無啦啦鋪左件衫係枱上, 仲話要iron it... -____-"

佢大個左係咁乖自己幫自己熨衫就好喇!

拆完禮物後妹妮去返music 班, 突然收到接放學既爸b電話, 話妹妮係學校撞親, 隻門牙吊吊fing呀. 嘩, 嚇得我!! 隻牙鬆左無得痴番實嘛, 咁即係要剝牙? 但係成7歲先有恆齒, 咁咪要風爐口幾年???? 加上電話另一邊聽到妹妮係咁狂喊, 真係心都慌呀.

後來爸b即刻帶妹妮去睇牙醫, 好彩牙醫話隻牙唔係好鬆, 小朋友好易生番緊d牙, 如果唔係入面個芯斷左就ok, 要觀察兩個星期再去覆診. 爸b同妹妮去食糖水等我, 見完客去搵妹妮, 見到佢仲食得落糖水都放心好多了, 不過個下唇腫晒, 又充滿血絲.

好彩佢已經平靜晒, 仲識讚個楊枝金露好味. 原來妹妮係上音樂班時跳舞, 自己不停自轉又輪盡跌低陷落地整親. 再諗下聽見佢隻牙要甩都心慌, 如果有咩意外我地真係魂魄唔齊架, 妹妮係以後唔好咁粗魯啦, 希望隻牙仔快d生番緊啦!