3.24 學校終於有第二次旅行了, 今次由爸b陪妹妮去. 爸b一向最憎去social, 不過焗住都要去一次, 等佢知道下妹妮係學校係點. 今日無坐校車, 由媽me車兩父女返學.
入到班房通常都係玩一輪玩具先既
跟住老師點名, 妹妮下學期轉左枱, 上學期坐最後個張枱架 (好似lab咁四人圍埋一張). 可能老師會每個學期一次大掉位, 唔駛成日都坐埋四個, 佢地有時會幾張枱鬥快鬥整齊. 就算坐低, 都會話邊隊最快, 最靜咁架. 以前妹妮坐西瓜枱, 而家坐香蕉枱
今次旅行地點係沙田香港文化博物館, 未入場先興奮, 同同學仔跑來跑去
大隻妙, 好似大舊過同學仔好多咁呀
班相, 難得企得幾整齊噃
妹妮平時返到屋企都有提起某幾位同學架, 有幾個好似特別friend d.
難得爸b同妹妮一齊去旅行, 梗係影相啦
入到去了, 之前見電視話呢個博物館將會有巴斯光年同woody既展覽, 不過今次仲未有展出
爸b就話個博物館無咩野睇
不過妹妮都有週圍搵野搞下
其實唔駛困係班房日日如是咁上堂, 對細路仔已經係一大樂事, 有得去旅行, 無論好唔好玩都係好過無啦,
而且佢地成班一齊玩, 都好似幾開心吖.
不過爸b話同老師傾偈, 兩個老師(一個中文, 一個外藉)都話妹妮係班唔算活躍, 爸b又話係班房時, 老師重溫尋日課題時, 有d小朋友好勇躍搶答, 而妹妮只係細細聲自己答咋.
不過都有d小朋友聲都唔聲, 所以妹妮算係中規中距啦. 爸b就叫老師多d鼓勵妹妮, 等佢大膽d. 唔好咁怕醜...你見佢平時個種不停講野真係唔會相信佢會咁內儉架, 就算平時見到陌生人都會打招呼, 係去到學校就變得好文靜, 真係搲爆頭呀?!
好彩學校又有搞下講故仔時間, 逼佢地每人自己準備一個故事, 前幾日返學時要present比全班聽. 妹妮準備左3隻小豬, 佢話老師有讚佢講得好, 希望以後多d呢d活動, 可以瞓練佢變得大膽d啦.
No comments:
Post a Comment