New Year in Tokyo day 1

好期待的東京之旅呀，以前同爸Ｂ兩丁友時成日都去，差不多一年都去一次！不過有妹妮後旅行都小去了，對上一次來東京係妹妮兩個月大時...即足足兩年了。今次帶埋妹妮一齊，第一次一齊去旅行，又興奮又開心！

出發前執喼，妹妮一人都佔大半個喼了！

12月29日出發了，妹妮第一張屬於自己的機票呢！

去到機場，妹妮一早知自己‘fly air-lo-平 to Japan’，不知幾興奮！

早餐飲返杯juice先

好彩有帶ＢＢ車去，可以推到去閘口先寄倉，仲有得優先上機！妹妮見到Ｄ飛機一架架泊埋一齊已經指住話要坐，上到機勁happy，仲即時要扣埋seat belt潻！

嘩！有兒童包，入面有貼紙有顔色筆，有note pad，可以比佢消磨時間。

不過個seat belt扣就遭映了。

雖然有個兒童餐，今次係肉醬意粉，不過妹妮只食了半盒就無食了，仲覺豬了一個鐘有多！今次機程總算順利過渡。

差不多到了，比妹妮望下出面等佢知道自己真係flying in the sky!

落機了！

今次諗住試下機場巴士，點知捉蟲，又塞車，３點幾落機搞到成５點幾先到酒店。今次住得幾近ＪＲ站，上到房即時飲番支奶補充下體力先。

第一站去歌舞伎町醫肚，因為最近酒店嘛。

呢間天神拉麵我同爸Ｂ每次都黎幫襯，今次帶埋妹妮黎先至第一次同隻豬影相

妹妮唔知係咪知道自己去了旅行，成日都好hyper，手舞足道又唱歌又跳舞自己行。

食完個麵去行一陣街街，第一晚都預算無咩地方去，就去伊勢丹朝聖

妹妮見到蕉池成個人醒晒，連鞋都唔記得除

後來叫佢除鞋，即時除都除唔切

跟住話要嗲Ｄ買ice cream，凍到屎仲食雪糕

因為而家帶住妹妮無得半夜落街食宵夜，唯有買定上樓食。海膽，拖羅，三文魚三色飯好味到想食多碗！

今日就此結朿，bye bye