尋晚可能因為搭完飛機攰，今朝妹妮居然瞓到成9:30先起身。本來今日想去牧場，不過因為太遲起身所以改變一下計劃。
首先去食個烏冬早餐
爸Ｂ買了兩大碗！
呢間Ｄ烏冬比較un，不過炸野菜同炸蝦都好味，妹妮見到個野菜球已經忍唔住要伸手去攞黎食。
跟住返伊勢丹退稅，因為尋晚無帶passport呀。
再去原宿逛街，今日都係諗住relax地逛下街算。去到竹下通時妹妮自動波話要瞓低，平時坐Ｂ車妹妮都唔肯瞓低，又唔比我地拉開個篷頂，黎到日本又比喎。
去到pet paradise，授托買狗仔衫，我發覺Ｄ狗女衫好似ＢＢ衫，好靚呀！不過仔仔的選擇同人一樣比女仔小Ｄ。
我入去揀狗仔時，妹妮本來想瞓覺卻又突然醒晒。之後去裏原宿時，妹妮已經好攰
但又唔肯瞓番低，成個人好似謝左一樣，雙眼都dup晒，最後都瞓著了。
沿住步行街一陣就行到涉谷了，去green MOS burger買個包頂住先，順便𠺫下。
今日幾間想行的鋪頭都因為新年開始放假，要２號先再開。不過好彩有好多鋪仍然開門，我地去了'three minutes happiness'平價家品逛，爸Ｂ話Ｄ野都係three minutes happiness，因為３分鐘就爛，都唔係吖，我都買個幾件平top而家仲著緊架。
再向涉谷中心出發
去到Gap，爸Ｂ掃了兩件羽絨褸
仲買了手襪仔比妹妮，最初幫妹妮戴佢直情想殺人一樣掙扎，後來戴起就成日話wear gloves，仲成日豎起隻手指公。
跟住返新宿食晚飯，今晚食吉豬，個豬好淋，妹妮都食得到！
呢兩件就係去three minutes happiness買的，我件斗篷都係２３８０yen咋，仲有妹妮件背心係大人size，不過見細細件就買妹妮著，都係千零yen。
好了，話咁快又一day，而家妹妮識自己擦牙仔了！不過奇怪係佢怕左日本的厠所板。因為酒店個板一坐落去就會有水聲出，妹妮好似貓一樣怕聲，一聽到怪聲就即刻驚到話無wee wee呀！死火，點去厠所呢？
No comments:
Post a Comment