last day了，好唔捨得呢，因為好似無咩點週圍去過一樣。以往我地二人行時日日都勁行，由朝邊食邊行行到晚，今次好似去小好多地方呢。
一早check out後，一家大細一齊向銀座進發，其實途中都猶疑係咪要去，定係留在新宿行下百貨算呢？其實幾日前已想去銀座了，食下Cathy介紹的鰻魚飯，或蟹餐，又可以順道去埋築地，不過都係無去。
太早到潻，但攞住行李又唔想週圍‘騰’
成十一點先開門，妹妮有街行即時醒晒
同爸Ｂ自成一角
古靈精怪
有Ｄ等得唔耐煩嗎？
有諗過去食鰻魚飯，但係拎住行李又唔想行，又驚因為新年無開，於是去機場先食。原來從銀座去機場快過由新宿去呢！轉眼又去機場了。
日本機場有兒童天地，比小朋友玩，大人就攤埋一邊的搭搭米休息。最好係有小朋友洗手間，妹妮咁驚日本厠所，但小朋友厠所就無有怕。
最鐘意玩滑梯
望到出面的飛機猛話問‘are you ready?’ 好想快Ｄ上機咁。
上到機你睇佢幾開心！
今次係另一款的兒童包，比上一款仲多幅puzzle仔同神奇畫版呀！
回程妹妮全程無瞓過，希望前後的兩行無被妹妮的聲音打擾到啦。
就係咁呢個６日５夜但又無去過好多地方的東京之旅就此完結了，不過雖然好似比自己同老公二人行去小好多地方，不過有埋妹妮一齊，反而去了一Ｄ以前未去過同埋比都唔會想去的地方呢！同埋可以不離身黏住妹妮６日，都好正呀！
No comments:
Post a Comment