今日夠早起身，我地去松屋食早餐。其實妹妮都有食Ｄ飯，不過無平時在家中坐定定食到咁多，所以成日要飲奶。
之後就去toyota攞一早book定的車子，向媽媽牧場進發！
手續好簡單，點解唔係爸Ｂ揸？因為佢呢Ｄ‘大忙人’又點會spare到時間去辨國際牌吖！我都係出發前一日先偷到時間去搞咋。
租車公司的car seat好似好兒嬉，不過佢地話妹妮個size又坐唔落ＢＢseat。後來坐坐下都係由爸Ｂ抱住覺豬豬。
日本的ＧＰＳ真係好勁，好reliable，提示又清晰，一Ｄ都唔駛驚唔識路。今次租架Passo係細車仔，不過尚算ＯＫ，係上斜無力之外行順左都可以keep住踩100km/h。
經過彩紅橋，出面天氣又好，影相好靚架！
我發覺喺東京揸車去郊外，經常都穿梭於海底同海面上
經過一個鐘多小小就到mother farm了！！
妹妮此時亦瞓醒覺豬
原來呢度勁大風！吹到手指都殭殭地。
第一時間都係入去個theater入面避下風頭同睇下個行程。
都係無咩頭緒，周圍參觀下先啦。
嘩, 隨便行下已經有牛,有羊
仲有駝馬
妹妮黎到牧場見到blah blah black sheep同horse真身, 不但無驚, 仲熱情到想撲埋去, 爸b叫佢hug hug羊咩, 佢就一手攬住個羊頭仲要加多啖鍚鍚 -_-"
不過真係勁大風, 個身其實好暖, 但係個頭同雙手被風吹到傻. 好彩妹妮有晒冷帽同手襪仔保暖.
吹到爸b都要拎妹妮頂帽黎戴擋下風. 哈哈, 比我影妹妮鍚鍚爸b!
見到咁大隻馬都唔驚!
終於等到剷羊毛表演!
個鬼佬牧羊人好風趣, 仲帶隻羊行去觀衆席, 妹妮又即刻走出去想撲上隻羊度.
d羊真係好乖, 任你舞都無反應, 唔怪得有句 '純如羔羊' 啦.
剷完羊毛原來有個環節比小朋友餵奶比d BB羊呀! 早知坐前D啦!
之後趕落山去下個節目, 可惜剷羊毛同賽豬仔撞時間而錯過了.
去抱抱天竺鼠, 妹妮又係一D都唔驚
不過興趣其實不大, 成日望左去第度.
再抱兔仔
離遠見到有個豬欄, 爸B抱起我地隻豬仔去望下D真豬.
吹了成個上晝先諗起架b車有個雨擋係專程為今個trip買來擋風的. 真係後知後覺, 好彩妹妮肯比我地笠住.
中午過後有太陽已經暖好多了, 其實凍都係因為大風, 出太陽連風都無埋. 好鍾意呢張相的陽光, 好靚呀
去食個晏, 點知個即煎鐵板牛扒出奇地好味, 咖哩豬扒一樣掂!
妹妮就飲牧場特產, 不過奶味又唔算濃.
間餐廳望出去個景好靚架
一片啡綠色的山與草
待續...
No comments:
Post a Comment