今日係last full day了，明日下午就返香港。今日係１月２日，百貨都在今日開門，又係大減價開始，所以預留今日做shopping day。
一早出到街但係好多鋪仍未開門，我地想食個烏冬都要等十點至開門。無計，到到都未開唯有等一陣啦，我地入藥房掃一輪貨先。
妹妮有Ｄ鐵達尼上身，打開雙手當自己飛緊，話自己flying咁話噃。
呢間讚岐烏冬比上次那間好味。其實同埋妹妮黎推住架Ｂ車都無以前咁多要求要食呢樣個樣，總之方便入到車就算。所以今次旅行其實無食過好多‘好野’咋。
未試過元旦在東京真係唔知福袋的魔力，到處都係人龍排隊買福袋。就算百貨都比星期三初到時多起碼５倍人！！
第一站又係妹妮行先，上hysteric mini 掃貨，正價實在太貴喇，減價我地都買了兩三件咋，不過其中一件係羽絨。之後又去玩蕉池，買了一兩件個sales早幾日話今日會出的新衫仔，今次有蕉送！唔通上次個sales hold起無比我地？
晏晝去和幸食吉豬，因為呢間真係好味，我地次次都會食一次先得。點知今日週圍都咁多人，好似全東京Ｄ人都出晒黎一樣，等𨋢都等幾轉先上到樓。上到樓又要排隊等位，等到兩個都呆滯了。
好彩大約十五分鐘就有位，餐廳比妹妮一碗兒童飯，有七味粉撈飯，妹妮又鐘意食喎。
仲要‘eat by yourself’潻 （仍然未分清you & me, myself, yourself, inside, outside)
好食過香港間tonkichi 架！
因為新宿太多人，我地去涉谷再行過，又再經過three minutes happiness，不過今次淨係經過無再入去了。
去到猿人鋪居然排長龍！於是去我地等了幾日的鋪頭，妹妮見到紅色帽就指住話要。好了，比頂帽佢玩足成個幾鐘，我同爸Ｂ可以專心shopping了。
到黃昏我地決定今晚要食多個一次晚飯！！所以提早食一次先。去了間好似係比人hea的餐廳，好悠閒的，個個都在閒談吹水，好relax。食的都算ＯＫ，妹妮又食左好多飯。
行過franc franc，個哥哥出黎比左個氣球妹妮呀，開心到佢吖！
搵途人影的全家幅，原來今次我地無點影過全家幅呀。
返到酒店再買兩盒宵夜醫肚
No comments:
Post a Comment