Friday, January 8, 2010

New Year in Tokyo day 4 之 賀新年Sanrio Puroland

原來尋日執房時已放了兩隻紙鶴,今次第一次在日本過新年呀!

今日D百貨全部關門,所以食完早餐就搭成50分鐘車去Puroland探hello kitty。你睇爸B已經忍唔住瞓著了。

一連兩日節目都係為妹妮而設,黎到東京幾日都好似無點見過聖誕樹呢,今日終於見到了!

到達喇,我們一早去便利店買了全包套票!

第一時間係見到Daniel,因為新年所以Daniel 同kitty都著晒和服。

我就同妹妮襯埋一齊!


 呢隻兔仔都唔識叫咩名,不過離遠見妹妮飲緊奶卻又撩妹妮玩。

由遠觀,走到埋黎,妹妮都專心飲奶無留意到

行到埋黎妹妮先見到佢,兔仔仲陪妹妮飲晒支奶呀

之後見到呢隻兔仔就大叫melody,我唔知呢隻叫咩名,不過一定唔係melody。唔緊要,妹妮熱情溶掉了兔仔,又攬又鍚,冧死人。後來先知呢隻叫Sugar Bunny

跟住又見到馬騮仔

馬騮見妹妮跳舞跳得起勁,有樣學樣一齊跳。


另一隻Sugar Bunny

跟住去坐row row a boat的船仔,同迪迪尼個小小世界差唔多。唔知點解而家妹妮好細膽,坐親機動遊戲聽到D音效廣播都好驚,成日要攞我隻手揞住佢塊面,但又要在手指間偷睇。


後來入到尾段較光,成個人都放鬆晒,肯週圍望。

坐完船仔,出到去見D人坐晒地上,原來有show睇。有D似迪迪尼的parade,不過有埋特技睇潻!

跟住上二樓玩機動遊戲,不過全部要自費比錢玩。


所以淨係玩了火車,因為妹妮鐘意揸車嘛。
之前講過妹妮好怕日本D厠所,因為好怕D突然既水聲,所以見到D有掣的厠板已經由本來嗌住要wee wee變到喊住口話無wee wee,真你擔心佢會谷壞。於是我們去到hello kitty house門口時,妹妮賴尿了,仲要佢自己都好不知所措,即時喊住叫wee wee。我便一手抱起妹妮入厠所,一邊安慰叫佢唔駛驚,有咪me係度,爸B就分頭去買過褲仔比妹妮。

仲買個新水壼比妹妮飲水潻


清潔過後就去食個lunch,等妹妮心情平服先,好彩好快佢就無事。不過只食過D芝士通粉同著條,個pancake咁靚都無食。

換左褲仔成個人爽晒,好心番晒!



爸B買了個福袋,入面除了褲仔仲有好多衫架!我地再戰hello kitty house。

例牌去梳妝枱坐下

幾開心!

kitty 睡房

同kitty 影番張全家幅先!

去玩Puorland之後,我地去左搭一個站就到的南大沢outlet。不過個outlet同御殿場差好遠,似個大shopping mall多D,所以無咩斬獲。

今晚食鰻魚飯同tempura,估唔倒妹妮幾鐘意食鰻魚,一個人仔都食了我半條!



No comments:

Post a Comment