3Y5M 幫手浸桔仔

 

話咁快又一個月了, 妹妮已經3Y5M了, 好快就3歲半了. 上次去朋友仔生日會, 佢都識話 I'll be 4 years old soon.

雖然3歲幾, 不過卻好享往做bb, 見我有條披肩, 又要包埋佢一份 -__-"

呢個係妹妮功課, 佢話晒我地三個出黎, 係就係肉酸d, 不過有齊眼耳口鼻, 仲識笑架

雖然成3歲幾好多人都話可以唔飲奶, 但係妹妮其實每日仲飲三餐奶架. 係午餐同晚餐會食下飯, 麵, 早餐飲完奶再食下包咁. 所以距離戒奶真係仲有排架. 近日日本地震又輻射, 搞到d奶粉要搶又要炒, 一直飲緊日本奶粉, 睇黎飲完屋企d存貨都係時侯要轉d本地買得到既歐美奶粉了.

妹妮由細到大都好多野講, 而家對答就更加順暢, 仲開始成日問點解, 咩都問一餐點解既? how come...? 平時坐車, 最留意係街上既救護車, 消防車, 警車, 每次見到即指住叫, 都唔知有咩咁特別呢?

新年時同同事一齊摘左d桔, 但係無樽, 終於買到樽了, 又到上星期'盲搶鹽'無鹽買. 今個星期唔駛搶, 買左返黎叫妹妮幫手浸桔.

心急妹一手擸晒d桔入樽

要入d鹽先架! 於是倒晒d桔出黎再入鹽

再加桔

好好玩咧!

再加多d鹽啦, 要一層鹽一層桔咁先至'葉'到桔架

再鋪好d桔, 唔好堆埋一堆

爸b又貪過癮幫手搞搞震, 不過都係玩一陣又走開了

妹妮繼續做過好幫手, 再加多d鹽

再多d桔

得左! 大功告成!!

今次成樽桔都係妹妮親手做架!! 幾年後可以食呢d妹妮親手浸既鹹柑桔了!