又一星期日

又到星期日，一早就決定先去飲茶。



落到樓下突然比妹妮捉住我跳舞呀！

今日我地步兵出去，搭巴士

屋企樓下呢條去尖沙咀既路線永遠都係‘豪華巴士’黎架，即係以前單層又例必有冷氣果D呀。

話咁快就到尖沙咀了

一坐低妹妮就知要洗碗喇

今次居然無叫腸粉比佢， 反而咁左流沙包

同燒賣

飲完茶逛下連卡佛，嘩！而家有埋kids department呀！不過全部都係貴野黎架

之後又去睇下車展，妹妮猛話呢架車好貴架！100蚊架！（因為佢見到架車有個貼紙寫住100﹪保証）見到100就以為係100蚊！

入到去博晒老命揸車！

車展有咁多架車佢一直都係睇住同一架車咋，唔通真係鐘意呢架？

番出碼頭，佢見到電視播住舊年海港城MINI模D小模特兒行catwalk，即時擺番個甫士睇下個電視

好搞笑架，無啦啦擺晒甫士咁停左係度睇電視

跟住再去食甜品，今次妹妮第一次食許留山架。不過聽到食芒果dessert就舉腳話去了！

叫妹妮睇圖片揀甜品，估唔到佢揀都係生果多既為主

搭巴士走了

睇佢坐得幾豪放！

我地專登坐另一條巴士線，因為想同妹妮‘行山’ ，等佢同我地都有小小運動量，呢條長命斜平是都係落多，好小行上黎

妹妮仲懶叻話：我唔駛扶架，自己行架

一路經過都係山路，不過好似遠足路徑咁，都唔難行既

之後去埋華仁校園

妹妮同爸B係度玩捉依人！

兜左個圈就走人了，妹妮無啦啦仲懶秘密咁話：我地講國話，等人地唔知我地係香港人呀！ 

跟住一路行佢都講國語同唱國語歌！

行左一個鐘左右，但係而經個頭濕晒了！！返到屋企再覺豬豬

瞓醒再同媽me整曲奇，當然又係幫手唧花啦

佢見到焗爐個倒影仲扮咬D曲奇潻

呢幅相證明佢無時無刻，就算係屋企無野做都會又彈又跳，好似唔可以靜下來一樣！﹣＿＿﹣

曲奇出爐喇！！今次加左可可粉，係朱古力味黎架！

爸B又幫大肥沖涼，成個下晝其實都幾充實架！

學校呢排課題係寵物，妹妮知道大肥就係佢既寵物了。佢仲一邊摸大肥一邊猛話 ：我好鐘意大肥架，小肥都好鐘意架，不過佢上左天堂喇。

是晚晚餐係外賣壽司，而家妹妮都可以同我地一齊食壽司了，不過佢食既就限於蛋壽司，三文魚子飯，天婦羅同鰻魚壽司，都係熟野。