自家製 牛油曲奇 ＋ 芝腿包

係咪好靚呢？係我同妹妮整架！！今次係大成功呀！！



因為媽me成日口痕，又好鐘意食Jenny's bakery D曲奇，於是搵個食譜試下。今次整呢個係牛油曲奇，好肥好漏果種，但你好好味架，食唔停口！溝好牛油（100g)，糖粉(25g)，麵粉(75g)，粟粉（25g)後就搞均晒。搞均果下好嘥力，好攰呀。



然後入袋唧花，呢個步驟妹妮等左好耐。因為話佢知整曲奇時佢已經問幾時要佢幫手，但係搞均D料又點可以指意佢，唯有等唧花先叫佢幫下手囉



原來唧花都好攰，妹妮都你做下樣唧花，幫手鍊下個袋咁



唧到細細粒一個圈咁就得架喇



你睇妹妮個樣就知佢有幾落力啦



出晒力唧一樣



唧好後放入焗爐焗12分鐘就食得，掂！



登登登戥，出爐喇！都似模似樣架，味道唔甜，好重牛油味！



食多幾件即時多重多兩磅呀！！



除左曲奇，仲將上次腸仔包變種，因為妹妮一聲話鐘意食ham & cheese噃。就試下唔卷腸仔卷芝腿啦！



都好味噃！yayaGigi話發覺妹妮食芝腿快過食腸仔好多潻呀！！真係無買錯部麵包機呀！！