星期六

自從一月起，我地星期六都有個時間表，限時限刻去學野了。就算媽me星期六唔駛返工都唔去得遠呀！因為妹妮中午學游水，黃昏學鋼琴，只可以攝朝早或下午去下街街。今次就一早去飲左茶先！妹妮最鐘意睇茶樓入面既魚缸架嘞。



等緊位都影得一餐架！好彩妹妮鐘意飲茶，唔駛下下都去麥當勞同茶餐廳。有次問佢去食麥記定飲茶，佢都揀飲茶架。



我地多數會帶對筷子比妹妮，唔記得佢就迫住用普通筷子，但係就唔係好識用囉。



幾乖！幫手洗杯碗潻呀



爸B教佢用手整眼鏡



蹺到D手指亂晒龍



最近成日有新聞話有拐子佬，我地係屋企都有教妹妮如果有陌生人拖佢手，就即時尖叫，嗌爹D，媽me或yaya，什至嗌救命（help!)。如果有人話帶佢去搵爹D媽me或yaya，就叫妹妮拒絕個陌生人，話自己係度等就得嘞。於是我地玩埋role play，爸B扮陌生人同妹妮講以上說話，妹妮都可以做到要求。到爸B飾演既陌生人話：我請你食雪糕吖。見到妹妮即時瞪大眼，兩眼發光！不過最後佢都話唔食喇。而家真係咩都假，自己睇實最緊要，以前都有時去書局睇書由得佢係自己附近自由走來走去，而家真係唔拖實都唔得！



見茶樓隔離有間冒險樂園，仲有兒童區我地入去玩。話時話平時我地都無帶佢去冒險樂園玩架，一次代幣都未換過！呢次係第一次入黎玩，成個迷你版playtown一樣



雖然限時20分鐘，但係都夠玩了。



因為呢度都唔算大，玩廿分鐘啱啱好！


妹妮都玩得好開心架！



不過妹妮咁大隻，坐入架車仔都好似迫爆咁！



玩完去上游水堂就啱啱好！妹妮仲懶叻帶路潻

自己走埋去攞鎖匙



換好衫去上堂，自己報到架



入到泳池觀衆攔唔準影相架，不過媽me曳曳偷偷地影左一張相，妹妮係第二行最近池邊橙色帽果個，妹妮好鐘意做warm up架！雖然不經不覺都學游水半年了，不過妹妮話而家仲未學用手游水呀，仲係踢腳咋，希望下個月升班會有D進步啦。而家逢星期六我地都係接妹妮返屋企午睡一陣，等黃昏再去學琴。所以每個星期六都係好有routine 的渡過。。。