妹妮的身外物

講起拖鞋，原來妹妮自己都有成3對！一對係前年已買落18cm既 Anpanman拖鞋，另一對係今年係東京買既Kitty拖鞋，而呢對就係妹妮舊年同yayaGigi去永安百貨買野時自己揀並堅持要yaya買既龍貓拖鞋。



今年拎出黎著都已經啱啱好，出年一定唔啱著喇！於是每見到佢著另外兩對我都叫佢著下龍貓啦，出年唔著架喇。



有時妹妮會聽話即刻換，有時卻會話聽日先啦



見佢著起就幫佢同對拖鞋影番張相留念啦。佢細細個時D拖鞋都好得意架！！



呢對係妹妮第一對拖鞋呀，當時佢得一歲多D咋，對拖鞋係yayaGigi星期日放假時買比妹妮架。係對Melody頭拖鞋仔，仲有後抽箍住個踭，細細對好鬼cutie架。最得意係當時仲著緊天使得得B夾嗱衣

呢對其實都係兩歲時買架喇，都係yaya買既，後踭一樣有帶箍架



上星期見我條裙準備去洗，妹妮即刻話要著，佢見我著果日已經問媽me係咪去wedding呀？



著起長到拖地 佢最鐘意，似公主嘛！u_u



直程當正自己係真公主一樣



之後仲當埋頭紗‘嬲’埋一份



夠了，好似迪士尼公主一樣要呢埋了，多謝收看！



咪住，仲有video呀

因為學校有個講故事比賽，每個同學仔都要講一個故事，講得最好就代表班去比賽。我地一早知妹妮咁鵪𪂹，點會講得好吖。於是都有係屋企練下架，佢係屋企就大大聲，返到學校就細細聲。。。點算？如果佢好似個video入面咁大膽就真好囉！




最近又學左好多有關春天既野，問中返到黎就表演一輪架喇！




不過都係呢首唐詩《春曉》最好聽！