數學

最近連續三個星期一早上都唔駛返工，於是便代yaya帶妹妮去上數學堂。唔記得之前有無講過，因為妹妮係數盲，所以比佢去學下數學。事原有次問佢6＋2等於幾多呀？佢答4 （一隻手中國六個手勢＋另一隻手豎起兩隻手指），咁7＋2呢？又係答4 （因為佢又一手做手槍姿勢＋另一隻手豎起兩隻手指）



就算問佢5＋1， 佢都係逐隻手指數先數到6。。。於是返數學班，都係返左兩堂已有大進步了！第三堂已經學識心算加3了



呢日無啦啦自己摷雜誌黎揭，呢本係升小一學校介紹，佢係咁意篤下就話要讀呢間。。。嘩，係你話入呢間就呢間咁就好囉！其實妹妮都係睇個建築物話覺得幾好就話要讀，於是我話比佢知D相係邊間學校黎架，佢聽到St Paul co-ed係男女校，即時話要讀！點解呀？妹妮話：因為Derek都可以一齊去呢間囉。 呢排妹妮好鐘意同Derek玩，成日話好好朋友，好鐘意Derek，話日日都係得Derek同佢玩喎。不過可能妹妮大隻，小D女同學陪佢玩呱



前幾日見佢拉小提琴，先留意到佢認真拉琴既時候，連咀都啄埋架！



學左兩個月數學，而家開始學減數了！！仲叻到識笑人潻！

只不過一星期後, 妹妮d減數又進步好多了!