重陽節本應去登高拜山, 不過有事要去淺水灣便順便帶埋妹妮去附近的深水灣玩玩沙, 玩玩水. 其實想去淺水灣多D可惜無車位, 去到深水灣了, 感覺天色同水色都欠了點顏色的.
之前幾次妹妮都好怕踩到沙, 爸B替她除鞋, 你睇妹妮皺晒眉個奄尖樣!
出奇地除鞋後肯自己行出海邊, 可能水的吸引力夠大吧!
不消一陣已經成個人坐在水中央, 件衫濕晒!
件衫濕晒, 索性除下它, 玩個痛快. 今次返上灘肯玩沙潻! 套堆沙玩具第一次被'寵幸'呢! (近排看得宮心計多!嘻)
玩一陣都係想返去玩水
又做咪me的女模
溫馨的親子照
兩父女玩水上tum tum轉
之後去太古城飲茶, 妹妮第一次到這個商場. 飲親茶見到畫點心紙的原筆都會扯住要畫畫. 又要爸b畫
我發覺妹妮原來最鐘意係食桂花糕, 菊花糕等, 可以一個人食晒成碟!
商場啱啱又有車展, 男仔頭妹妮鐘意揸車多過揸公仔, 即刻衝了埋去, 仲想闖入個場揸下車.
雖然只出了半日街, 但又玩過沙又玩過水又飲過茶同'濕埋平'. 於是返歸休息去. 返到屋企妹妮自己都倒頭大睡瞓足兩個鐘.
瞓醒又攞返最後一個未屑晒氣的氣球. 呢個elmo玩足三個星期超抵玩!
難怪妹妮當elmo係寶啦!
No comments:
Post a Comment