happy birthday, my DaRLinG

星期四爸Ｂ生日呀！本來今日想去玩，不過爸Ｂ有training要上想閃都難。lunch就同William同阿Moon去了Megabox搵party用品，因為星期六我們會搞個小型生日會呀！當然主角會係妹妮啦！

夜晚去了撐枱腳...本來十月一日來食的餐廳今日補食番。

架Ｇ９最近又好番，無事了，可能知道我們想買架新機怕會被打入冷宮！哈哈。去megabox時都有順道問下Panasonic部GF1有無貨，果然如老公講週圍都無貨，架機真係咁掂？

　好小在香港食caparcio，但自從上次去巴黎後就愛上了。生和牛但一Ｄ生肉的腥味都無！

因為上次同Astor，阿Lo去灣仔間wooloo mooloo食過覺得幾好味所以先再book來食。不過今次去了ＴＳＴ店，就無美國牛，得澳洲牛，味道不錯，但上次食美國牛好似好食Ｄ。

大蝦墨魚意粉，我幾鐘意龍蝦湯味的醬汁，不過爸Ｂ不好龍蝦湯所以對個意粉一般啫。

食了幾碟就飽了，留返個肚食甜品。餐廳送了個心太軟...其實我不好這甜品，覺得太甜了。我點了香蕉拿破倫

叫爸Ｂ許願，他把心中願望一口氣講晒出來，傻瓜！講晒就唔零啦，不過我當然希望他願望會成真，就祝你願望成真！

個花唧得幾靚，不過個名串錯字

而家好小會二人世界去撐枱腳了，因為成日都湊埋妹妮。以前拍拖時我們飲個湯都飲成半個鐘，好似有無限話要說一樣。。。今餐我們用了個半鐘，ok啦，仍然有好多傾偈，只是語氣無再溫柔啫。