又到忙碌的十月。。。第一擊之爸Ｂ咪me週年紀念

十月對我家來說係個喜慶月，因為我地成家都係十月生日（除小肥外，連大肥同yayaGigi都係十月之星）！你話係咪有排慶祝？

第一擊係十月一日爸Ｂ咪me結婚５週年紀念日，日間只去飲茶，逛逛宜家就返屋企比妹妮午睡。因為要儲夠能量夜晚再去街街嘛！

首先挑戰地鐵，妹妮其實搭過幾次地鐵了，不過今次係咪me第一次同妹妮一齊搭地鐵呀！爸Ｂ去㩒錢，要㩒住妹妮個頭仔，否則又走甩。

你睇呢個細路，好似軟皮蛇一樣。吊吊 fing!

只要有人拖住，妹妮就會將全身重量聚晒落一邊，有兩個人拖住仲好，成個人聚晒落去吊住，行都懶。

搭到尖沙咀出閘因為封路，可以放馬騮喇！

不過影返張全家幅先

啊崩叫狗愈叫愈走

自己扭身扭勢擺甫士

去到餐廳了，妹妮突然自己話good manner。我地有幾年都來呢間餐廳慶祝，主要因為我地每年紀念日都有煙花為我地慶祝　所以都想book個地方可以睇埋煙花。

其實今年book了另一處，不過前幾日呢間餐廳打來話有promotion，仲抵過之前book了的另一間，於是又返黎食喇。

出面有好多人都在等放煙花呀！

出名的洋蔥包，妹妮今年有食了。舊年妹妮仲細，只有陪食。

仲識同咪me cheers碰杯。

登登登凳！８點正開始放煙花了，今年妹妮睇得好開心，仲話‘嘩，look at that!!’又叫Ｄ煙花做flower。

後面枱外國人好nice話要幫我地影相，可惜影了好多張Ｄ效果都麻麻，呢張比效好。

爸Ｂ影的

咪me影的，仲影到妹妮指住Ｄ煙花話look at that!呀。

舊年人仔細細

到食甜品，待應問妹妮想食邊款，妹妮托晒頭諗到頭都爆，剩係話要strawberry。

最後我點了creme bulee，仲有on the house的朱古力暖心蛋糕，妹妮同爸Ｂ一齊吹爉炾。

待應哥哥見妹妮今晚好乖無扭計就送她一粒士多啤梨

睇下兩年的週年紀念都去了Morton's，不過相中的妹妮成個樣大個晒了。唔知來年仲會唔會儲多幾張呢Ｄ相呢？

返到屋企yayaGigi都放假返黎，仲叫妹妮捧扎花出黎。嘩無諗過yayaGigi會記得囉，因為今年都無同她提起過，不過見妹妮捧住扎花好得意忍唔住又影返幾張先。

妹妮好鐘意扎花呢，成日攬住唔放，擋Ｄ百合花冧係banana，仲想咬潻！

連咪me同佢影相都掛住Ｄ花

嘩！！仲有卡呀，係妹妮同yayaGigi一齊做架，有妹妮的腳印，手印，仲有相呀。yayaGigi話係問學校老師攞顏料做手，腳印的。

內頁仲有好多妹妮相呀，全部都係yayaGigi自己私底下影架。好鐘意Ｄ芭蕾舞相呀，好得意。

後頁仲有架！！Ｄ相好cute呀，妹妮丫大口一張係佢跳緊時hop hop hop影的，yayaGigi話叫妹妮‘hold’，妹妮就好乖咁丫大口，好搞笑。收到張卡好感動呀，覺得Gemma好有心，並唔係求其買一張現成的卡，係同妹妮一齊做，好有心思呢，好多謝你呀，Gemma。

不過唔明點解每次揸機都將人物放埋一邊，唔通咁先有藝術感？