今個星期特別多節目, 又b聚又食飯, 中秋節當晚輪到去公公屋企食晚飯嘞!
今日揸車時,妹妮突然話 mami driving so fast...究竟係投訢我揸得快定係鍾意揸得快呢?
舅父無見妹妮一排, 問'mud而家兩歲d細路咁高大既咩?'...我諗係妹妮天生異稟呱?
最新動作係同人cheers, 唔理係飲品定食物都要cheers一餐先安樂, 呢樽益力多仲cheers晒成圍枱每個人!
又做歡樂小姐表演彈來彈去,扭身扭勢. -__-"
飯後我們去了海濱公園, 以前同爸b拍拖時中秋節都有來這個公園玩燈籠架! 上年我地去屋企附近的公園玩, 點知得小貓3,4,隻, 一d氣紛都無. 仲閙爸b點解唔去海濱公園潻. 今年硬係要重臨這個公園啦!
你睇,真係遊人如鯽呀! (又運用我初中程度的成語),連草地都鋪滿人!
仲有好多燈籠
本來諗住用番舊年買的金魚燈籠，所以今年無買新燈籠，點知臨出門口就找不到。。。無燈籠玩唯有攞奧比斯架飛機頂住囉。
妹妮笑得好sweet呀
指住個天? 猛叫moon
噢, 係月亮呀!
瑩光頸鍊加嘟嘴
扮angelababy?成日嘟住個嘴仔
差不多10點半了, 係時候返歸了.
平時８點半上床，今晚玩得夜，一上車不消２分鐘就瞓著了。
接住星期日，咪me提議去有妹妮後都未去過的赤柱。我諗上次來赤柱己經有成５年前了！
天氣好好呀，不過我們一早去，餐廳都仲賣緊早餐。因為妹妮成日想攞我杯凍奶茶，所以今日叫了好立克等妹妮都可以飲。
嘩仲有好多燈穩未拆呢，好耐無來過赤柱了，條大街都無變過。
難得妹妮肯自己行
入到大街可能陌生，突然扯住我話要go home，唯有抱抱啦。我發覺妹妮一去到陌生環境就要去探下人家個厠所，如果夠乾淨她會放下戒心，否則明明急都唔肯wee wee。好彩附近個公厠尚算ok，妹妮給它合格。
適應過後先肯自己行，後來我們去了間童裝店，妹妮趁咪me揀衫時仲週圍跳來跳去潻。
本來想去埋沙灘，不過睇過地圖後估計要再行十分鐘！都係撒退了，返家前當然不小得在赤柱地標影相留念啦！
返到屋企瞓埋覺豬爸Ｂ話趁未轉冷去游多次水，好彩搵到件潛水衣，無三點式咁凍。
妹妮就暖晒了，但Ｄ水好凍，爸Ｂ同咪me就凍到打冷震！
游完落去暖水jacuzzi浸下先上水，當堂暖晒！
追月晚樓下有‘分唇’，泳池擺滿餐食buffet，橫掂今日無節目早知就去買飛啦。仲好揼本請了李紫昕姐姐來唱歌！
妹妮聽到樓下咁嘈邊問‘whats that sound?’邊即時擒高去望
雖然人數有限，不過望落去都好似幾熱閙。
No comments:
Post a Comment