生日party後記

原來想搞個party都唔係淨係準備食物咁簡單！雖然以下的東西係唔搞party都會買的。

首先因為想做件生日tee比妹妮，所以早個多星期前開始搜索custom T。終於比我搵到件啱心水的，立即訂做，但因本人一向漏氣，在９月尾才下單，好彩件衫都趕到星期四收到！而且效果不錯！

訂蛋糕！一直好想訂個３Ｄ蛋糕比妹妮，不過舊年又無搞party。今年有機會了！YEAH!!!!妹妮鐘意barney 同elmo，但barney真係太核突，好難幻想個蛋糕係紫色同綠色！都係elmo靚Ｄ，就揀了elmo。最後出來個做型同我想像中有點分別，不過尚算似樣都收貨啦，朱古力味蛋糕普普通通啦。

跟住想買happy birthday banner，反而無諗過好多人都整的拉廣告banner，因為用完一次一定會收埋以後都唔會攞出來睇。但原來這些簡單banner都很難買，去過toysrus，pryrus，及海港城一帶的靚文具鋪都無得賣，後來Wendy叫我去complete deelite 先有！

之後係杯碗碟，本來在ebay訂了一套芝麻術的，價錢又不貴的，可是差一天才送到，好彩一早買定普通生日party用的。不過仍然不夠用便去了spotlight搵，順便買了好多靚氣球！我發覺香港極小地方有芝麻街用品賣，差不多所有賣party用品的都只有迪士尼卡通的賣。這些都是在銅鑼灣一間上樓party鋪及spotlight買的，仲買埋吹ＢＢ及生日帽。

因為有小朋友，所以準備一些小禮物。你知啦已經無魔術師無小丑，無紋身corner，無entertainment，其實小朋友來到都無野玩，於是整份小禮物比他們。另外再印些coloring pages等他們可以填下色。至於小禮物包就自己買花紙做，其實幾好玩！所以爸Ｂ話我搵黎搞卻又自得其樂。

仲有張整到我眼花的thank you card，其實應該唔難整，不過我係生手技工，搞了幾個鐘先crop得晒Ｄ頭。。。眼都盲!

跟住係‘啦士’一日去攞埋氣球，嘩你睇迫爆後坐呀！

不過個zoe氣球真係好靚呢!

星期六朝早妹妮又如常跟爸Ｂ咪me出外食早餐，順便睇下有無買漏東西。你睇而家可以自己擒高攞野了！

are you ready for the party?

雖然有好多東西要準備，但學爸Ｂ話斎我都不知幾enjoy，真你自得其樂不知幾好玩！