食食食

十月這個喜慶月又快過了, 其實每年都一次過慶祝晒成家人生日同結婚週年雖然開心, 但餘下的十一個月就無得慶祝, 都幾奇怪.　爸Ｂ仲話十月令他好攰潻，今個月最小都食過５﹣６個大大小小的生日蛋糕了

家中最後一個十月之星yayaGigi上星期六都生日了. 今次去龍島買了個蛋糕. 今年yayaGigi第三次在我家過生日呢, 對上兩年都巧合買了同一個聖安娜tiramisu蛋糕。不同的是身邊的妹妮就好似氣球一樣一日比一日大件.

一年前

兩年前（７日大）

星期日同爸Ｂ家人去食lunch buffet, 原來這間酒店小朋友4歲以下都免費的, 平常見一般都係到3歲嘛, 妹妮可以來多兩年了!!

爸b一埋位就去攞食物, 不過卻忘了妹妮一份, 掛住自己食, 激Ｃ人!! 睇住妹妮見個個有得食, 自己卻坐著玩义真係可憐, 原來妹妮好餓呢, 攞了帶子蒸豆腐即刻食了一件半.

跟住又食了兩杯布甸仔, 又食了3碗西瓜, 又有第一次食就食到流青色口水的m&m, 還有雪糕. 

仲有飲橙汁, 最抵食都係妹妮呢份（因為免費嘛！）

出去睇下d甜品先!

又好大方同人分享, 餵完一個又一個.　希望妹妮呢份分甘同味性格會繼續下去。