時光倒流返上星期五（妹妮生日前一日），本來我們下午便要去迪士尼了，偏偏學校揀中今日去迪欣湖玩。咪me真係好想一齊去，不過無理由來回兩次大與山架，所以由yayaGigi單拖帶妹妮去算了。
妹妮一向都係'teacher's pet'，老師好鐘意妹妮架，不過基於大隻妙一日比一日重，而家老師都好小抱妹妮了，你睇抱得幾辛苦！
成日聽朋友話迪欣湖好適合小朋友玩，不過一次都未來過。睇番yayaGigi影Ｄ相好似都幾好玩吖！妹妮最鐘意玩水，一玩就丫晒口。
今次算大規模，因為平時旅行只係夾埋上下午兩班同學仔，仲要分一，三，五班同二，四班，所以通常頂多得十零人。今次就同埋Nursery，Ｋ１，Ｋ２Ｄ同學仔，算係大型活動了。
同一班細路一齊玩得幾開心？白衫藍褲的細路係Ｋ１以上學生，不過size同妹妮差不多咋。
玩完水換過衫打韆鞦
通常玩到一半都有snack time，休息一下
食得滋味之餘又𥄫下同學仔，你睇妹妮食得幾有儀態，隻手指尾豎起架！
踩單車
妹妮，點解你一個人好似好悶咁呢？下晝咪me帶你去迪士尼再玩過！
其實學校的旅行每次都係去兩個鐘到，玩得一陣就要走，看來我同爸Ｂ要再帶妹妮來呢。
＊＊＊＊＊＊＊＊＊
順便post返小小上星期影落的相片先。
妹妮對隻zoe好好架，可能同zoe size差不多高大，又攬又鍚。你睇妹妮個魚嘴
雖然zoe已經謝晒，不過妹妮仲未玩厭
呢兩年都無正正式式買份生日禮物比妹妮，之前諗想買Ｄ有紀念性的禮物如鍊嘴第...不過懶人當然未去睇過，撞啱之前訂的boot在生日前送到，就頂住先啦。
妹妮好恨著boot架，之前去旅行買對水靴一直未著過，不過一見到就猛叫boot boot呀想著。今次見到對新boot都係勁興奮，即時著番夠本週圍行！
No comments:
Post a Comment