photos

又到weekend，呢排公司成日搞野，搞到我成日要返工！無得陪妹妮去玩。不過朝早例必出街食埋個早餐先，好想同妹妮去玩呀！！今次又要爸Ｂ單挑同妹妮去公園，妹妮知道有得去公園就猛話要go to park，仲話don go to breakfast，go to park first -__-"

妹妮好生性架，知道我要走去返工，會好乖咁話bye bye mami，真係好抵鍚架！

買左架單車咁耐，其實都無點玩過，而家仲係成日倒後踩，因為倒後踩鬆Ｄ易踩Ｄ嘛。

玩氹氹轉，轉好多個圈都未暈，勁！！

去完公園仲有得游水！妹妮成日係屋企望落泳池睇人游水，恨左去游水好耐，不過天氣又成日忽冷忽熱。今次爸Ｂ話佢一上水都即刻打冷震，個口都紫晒，嚇到爸Ｂ即刻抱佢番屋企沖熱水涼加飲支熱奶先得，好彩都叫做無冷親咋。

姑媽見佢成日唱butterfly butterfly fly away，就買左對翼比妹妮。佢一著就butterfly上身，係咁唱首歌！

蝴蝶都話要食下牛油果

幾個星期前學校的影相日，每日都有一幅單人相。嗰日我問妹妮有無對鏡頭笑，佢話no，I feel shy。家長日派相時我第一眼見到幅相都有Ｄsurprise，因為都有小小笑容吖。但老師話其實妹妮見到個攝影師係驚到喊架，不過張相又算影到Ｄ笑容噃。。。雖然睇真Ｄ係笑得幾勉強。。。同埋又真係好似有小小淚光。

仲有班相潻，妹妮坐左係最側邊呀

放大Ｄ睇，一派正經噃！