星期六去公園仔

今日yayaGigi幫妹妮扎個多辨頭，著左auntie Wendy買既harem pants，成個人仔都型晒，仲要識雙手插袋，就算個背景唔靚都影下相啦。

今年戴我副太陽眼鏡，同舊年比塊面仔大左，副鏡細左，朗得住。

去到餐廳坐低，突然話要hide behind mami，無啦啦要‘囡’埋黎，佢話I'm scared of the light喎。。。有咩light咁驚呀？

妹妮有個怪習慣就係成日要搣我地手踭，勁騎呢。

每次都叫我地搽牛油先肯食多士

近期鐘意食腸仔，我地就要佢食通粉先準食一粒腸仔，始終呢Ｄ加工製品唔係好健康，一個星期剩係星期六先有得食咋。

而家每次同妹妮出街都係諗下有咩地方好去可以比佢玩下，今日去九龍仔。。。唉，無去公園幾十年，而家成日都要搵公園去。

妹妮見到有滑梯就好開心，有時坐車經過望到出面有滑梯佢都會指住話slide!架

居然企到咁近都見到係個smile face

呢左入滑梯底，佢話呢個係kitchen，可能同學校個Ｄ差唔多呱，仲扮熟野食同扚隱形水比爸Ｂ飲潻！

同爸Ｂ去到田競場，跟住爸Ｂ去跑步

愈跑愈遠，不過精力過盛，居然跑到半個圈！即係成二百米架喇，對佢咁細粒黎講算好遠了。

所以半個圈之後都係𠼱爹Ｄ抱。

返到埋黎坐草地，想像力豐富的妹妮話去pinic，仲有隱形生果同食物籃潻

離遠見到有山，指住話mountain is there!!　見到有白鴿，又走埋去追住話hello pigeon，當然Ｄ白鴿被追到鷄飛狗走啦。

今日好好天，小小晒，妹妮成身出汗好似水人一樣，睇怕妹妮都係遺傳左爸Ｂ大汗的的徵，慘。