見到我地企晒係門口，又係去街街時候了。
呢個傻妹既怪辟係𢱑手踭，平時攤低飲奶一定唔放過我地隻手踭。最近仲嚴重到無啦啦企係度都要𢱑下你手踭！yayaGigi教佢如果我地唔係身邊時，就雙手攬住自己個手踭𢱑啦，佢做呢個動作時好搞笑架！
今次去食麥當當，你睇佢食薯餅個樣幾醜怪！
呢條牛仔褲上次去東涌outlet間polo度買架，著起都幾有型噃。
夏日炎炎，離不開去商場逛了，今次去海港城，好大個姚明呀！可惜妹妮唔敢企上對大鞋度影相
食小籠包，有個靚卡位，仲可以睇到船，正！！
咪睇佢好似坐得好定，其實係未發作咋
之後已經全程坐上𥦬台喇，叫都叫唔住呀！
走入uniqlo，第一件事係搵鏡照 -____-"
第二件事都係搵鏡照，直到我地埋晒單，扯住佢先肯走。
星期日因為好大雨，又係迫住去商場，今次去element。
爸Ｂ最鐘意同佢玩捉依人，跑到氣咳
今次我地精喇，帶埋佢對筷子出街，等佢可以自己夾下野食
仲叻到作狀餵埋爸Ｂ食潻
showoff 一下去筷子仔
不過真係可以自己夾到麵比自己食，算係咁啦
食飽飽去行下書局，見到隻鴨當左係自己既咁，拎住唔放。
去兒童書部都帶埋鴨仔去
一直唔放手，見佢咁鐘意本來想買左隻鴨，點知原來要成二百幾蚊架！太貴了，最後當然都係放低了啦。
於是轉去玩bouncing horse，見佢玩得咁開心，差Ｄ買左，後來爸Ｂ話遲Ｄ去旅行睇下外國有無Ｄ靚Ｄ既，所以無買到。不過返到屋企後諗下如果買左返黎，妹妮日跳夜跳，樓下一家人咪比我地嘈死？
No comments:
Post a Comment