阿荗整餅

其實除左Minnie之外，媽me仲買左個廚房比妹妮呀。之前見佢去Phil Phil屋企玩得好開心，而Phil 媽都話可以玩好內都唔厭，於是就買過比妹妮玩啦。其實我之前想買Ikea個木廚房架，呢個D配件就多D又平D，但係就細個小小囉，不過見妹妮多數都係坐係櫈仔度玩，應該可以玩到一兩年既。



29日我地去新世紀廣場飲茶，其實係Yaya轉贈左個朋友送比佢既戲票比我地，一早就去mark定位睇MI4。本來可以換飛同妹妮睇花鼠既，但係Mission Impossible好似吸引D噃。。。遅D同妹妮睇過啦（睇VCD囉）



見到Alvin好興奮呀！



去飲茶，有無講過妹妮寧願去飲茶都唔去麥當勞呀？爹D反而唔係咁鐘意飲茶，但問親妹妮都話要食粥粥同腸粉，梗係去左飲茶啦



叫有小飛象（鹹水角），妹妮先咬晒D耳同象牙！



指住幅點心紙話要食熊貓，又真係好得意好靚呀，妹妮成日想摵左隻女仔朶花



咁得意影番張相先啦



跟住就獅子開大口大啖大啖咬了



黃昏同妹妮一齊整曲奇，都係試下咋，係網上download左個最簡單既食譜，試下玩



又點得小得呢個八掛妹一份呢



好似好pro咁呀


最好玩應該都係吸模了



好彩屋企買左好曲奇模，可以印好多唔同形狀呀 



趁曲奇入左焗爐之際，妹妮又去煮飯，睇黎佢又真係好enjoy玩呢套廚具噃。而家日日都有煮飯，㷛湯架



好多料架，不過已經有概念蛋糕唔係用黎煲湯用既。之前佢煲湯會加埋士多啤梨，蛋糕，同其他疏菜等



曲奇出爐喇！！聞落都好香噃



雖然熱騰騰，妹妮都好想快D食呀



即時拎左佢第一隻吸既狗仔曲奇。。。不過可能材料同份量控制得唔夠好，食落都幾硬呀