恭喜發財 年初一

恭喜發財！！！ 今日年初一呀，祝所有人龍年行好運，心想事成，事事勝意！！ 之前好恨快D過年（因為有假放吖嘛！）點知真係話咁快就到！其實每年都好鐘意過年架，因為全部人都休息唔駛返工真係好正！有咩都可以話過完年先算啦。而且有好多野要準備，辧下年貨，駛下＄個感覺好開心



今年好早就去買花了，年廿四就同爸B去花墟買花。不過我地都係買D擺到個零星期果D，無買一盤盤果D大花呀。今年買左百合同串串金，居然咁叻今朝開花！前幾日仲驚佢一早開晒潻



至於妹妮，有朝見到我捲髮用既海綿，佢話要curly hair所以幫佢捲，之後一頭曲髮佢極like呀！於是見到呢D士多啤梨海綿就買返黎比佢玩下囉。捲住大半個鐘已經有效果架喇，不過細路仔頭髮軟好快就直番，頂住玩一陣就得



其實呢個六星伴月頭仲正啦！唔駛拆都夠cute. 



恤個靚髮！（成個老人精咁樣！）

不過又幾似媽me個頭噃，姊妹頭？




媽me都去整個新年甲，不過今次妹妮撞時間去左學游水無份整。佢發現我整左甲時只係話‘好靚呀，你幾時整架？‘但係無埋怨點解唔帶佢去噃



今朝一早起身，沖晒涼，換好衫。妹妮今年識講恭喜發財，身體健康，大吉大利等 ！仲有國語既新年歌


我地一直都未封利是，今朝先開始封咋，叫埋妹妮幫手，其實我地無咩利是派，主要係比樓下D實蕉



仲有包禮物，因為唔想再送金莎或藍罐咁行，於是去買左另類曲奇做禮物，仲買埋新年花紙自己包，妹妮又掙住要幫手痴膠紙



今朝D花開左好多喇！時間啱啱好



出發去拜年了！！坐車去拜年途中有架黃色林寶駛過，爸b叫Aerin睇下隔離架黃色車幾靚！Aerin問：你係咪要呢架呀？ （好似揀啱就買咁）我買比你吖！我同爸B起哄：好呀！如果妹妮第時真係咁乖就安樂晒了！



第一站去公公屋企，佢又要幫手拎禮物



公公見到甜姐兒開心晒



打比舅父德叫佢落黎食飯



都傾得咁開心？而家講電話有對答架喇，真係可以一問一答咁架。



見到全盒走去攞朱古力食，睇怕細路仔都會好鐘意新年，有得食咁多糖果！



EE同姨丈都要同佢影番張相，話說一早打電話比EE同姨丈拜年，妹妮居然懶怕醜唔敢唱歌







食飽飽了，搵個好位唞下先



食完飯返屋企前，途經樓下有條龍呀，影下相啦！今日落雨出面濕立立都係要入商場先得



行到一半已經瞓著了，因為而家唔係坐car seat無左兩邊頭枕托住個頭，見到佢瞓成咁真係可憐呀



返到屋企又唔肯瞓！我同爸B夾住佢瞓中間又話隻腳好熱想伸出來。後來我同爸B都無理佢，佢一直都蹺住雙手作個嬲狀。。。可惜無人理。後來同佢掉位比佢瞓床邊即刻5分鐘內入睡！仲唔願起身潻



又出發去拜年，其實每年都係初一初二都去公公，嫲嫲屋企輪住去



向大伯Michael逗利是



到姑媽。。。排住隊比妹妮逗利是呀



到姑丈同姑姐



表妹都來比個hug



三叔，妹妮成日學姑姐佢地叫三叔做三哥



姑姐同姑丈



逗晒利是同表弟玩啦



三老表（4歲，3歲，歲半）



食完飯，有部份人都走左了，我地先影合照



又係時候返屋企了，雖然無咩野做過，不過都好enjoy 新年呀，見到有好多鋪頭初一都開門，希望呢個風氣唔好再抗散，因為新年係應該放下假，休下息架！