重遊荔枝園

1月7日

話說自從上次學校旅行去過大棠荔枝園後，妹妮就去上癮，成日提起大棠荔枝園話好好玩！爸B又話唔好成日去商場，去下郊外好D，於是我地又舊地重臨。妹妮好開心話比yayaGigi聽 ： yaya, we go to 'tai tong lai chi yuen'!  吓？？求其讀歪小小就當係個地方名？！yaya都聽到莫名奇妙。而家妹妮就係咁，有時講英文會無啦啦加D中文落去，激死！



試下學人影懸浮相，又幾得意噃！



一去到荔樣園，入場費＄70 包3張coupon， 比上次weekday來＄40包3張貴好多呀！入到去妹妮即時玩繩網



佢都好大膽自己爬，不過去到高佢就驚驚地！



又做泰山由一個踏去另一個



又打韆鞦，仲吩咐我推得大力D ﹣＿＿＿＿﹣“



上次有坐牛車，不過今日無咩人入場，兩隻牛都瞓晒係度休息，睇怕今日無牛車坐了。



重頭戲就係去餵羊同兔仔，上次最鐘意就係玩呢樣野，餵左好多杯蘿蔔呀。D大羊全部綁住晒唔比佢地周圍走



今次得我地，好明顯D羊同兔仔都好肚餓，一見我地就追住黎，尢其妹妮後面隻黑羊成日追住妹妮



 見佢咁餓我地都有餵佢架，不過唔想淨係得一隻有得食嘛，隻隻都好肚餓架



不過佢猛追住妹妮，搞到想餵其他動物都唔得



為左比妹妮餵下兔仔同其他羊，就引黑羊去我度啦



餵下其他被綁住無得郁既大羊先。



黑羊仔又去左我度，妹妮可以去餵兔仔了



我地去左Canteen食左D簡單碟頭飯之後再去餵魚



妹妮又好似上次咁，每拋一下糧都‘hig'一聲，好出力咁



除左動物，連魚塘D魚都係咁餓！



見到個冬瓜掛左係欄上，我地笑妹妮點解你掛左係度架？（因為佢係大冬瓜嘛！）點知佢問番轉頭：點解我係個網入面既？



今次再影懸浮相，仲加埋妹妮，原來兩個人好難影架。因為要一齊同時間跳起先得



呢張跳得唔夠高



呢張比較成功D了



妹妮自已跳



原來好戲在後頭，呢度有得騎馬仔潻架，都係扣一張飛就得，但係lunch time 無得騎，我地騎住木既頂住當先啦



其實都玩得七七八八了，我地周圍盪等騎馬



於是又用一張coupon 換左樽bubble玩下先



妹妮最鐘意係追波波！可以追足成半個鐘都唔攰架


咦，有士多啤梨呀，妹妮差D摵左出黎！



馬場終於開喇！即刻排隊去玩，戴好頭盔先

呢隻馬咁大隻既？一D都唔似pony，似隻馬多D呀。妹妮居然一D都唔驚，坐到上去仲笑晒咁呀


個樣仲好認真咁噃



估唔到妹妮一D都唔驚呀，雖然係行個沙圈，不過都好高吖嘛。



成個小騎司咁呀，於是我地再玩多兩張飛，行多兩個圈



騎左成3個圈呀，隻馬都好乖又無脾氣，妹妮同馬講bye bye!



妹妮都開始攰了，我地用最後兩張飛換埋有機菜拎返屋企。問妹妮今日最鐘意餵動物，餵金魚，爬繩網，定係騎馬，佢嗡晒4樣！再問只揀一樣最鐘意玩咩呀？佢話騎馬喎。



走喇，妹妮攰到拖住個身咁行呀，頂佢唔順，都係想爸B抱啫！玩左半日夠晒皮了，返到屋企大家都謝晒。