第一腸粉＋踩單車

1月2日（星期日）今日仲係假期，妹妮仍然對個幻燈機愛不釋手！



真係睇得佢好開心呀！



點知走得快唔小心踢到櫈腳，即時由笑變喊！快過變臉師傳呀！



平時佢無論整親邊度，我地都錫番一啖再話佢知好番喇唔痛喇，佢就覺得好番晒。於是媽me又錫番啖啦，不過仲係好痛呀。以前妹妮大約兩三歲時，成日踢到枱腳櫈腳佢都無反應架，好似唔痛一樣，係大幾呢一年開始踢到腳仔開始feel到痛會喊了。



上晝出動，爸B提議去食米芝蓮推介腸粉專門店，其實我自己麻麻地腸粉，不過妹妮勁鐘意！次次去飲茶既原因主要都係話要食腸粉。

第一腸粉，要排隊，真係咁好味？因為我地十一點到，又過左早餐時間又未到lunch，所以排左一陣就到我地了。

未食腸粉先食左排骨飯，平時妹妮飲茶都好少會食我地叫既排骨飯，今日食左一啖居然大讚好味食完再潻食！



腸粉當然無放過，我地叫左成3碟腸粉，有豬膶腸，魚片腸，不過其實妹妮次次都係食斎腸，佢唔食D凾架

清晒！！的確係好味，而且唔算貴，如果唔多人排隊一定會再食！


今日無諚去，又唔想去行商場，於是去公園踩下單車運動下



其實妹妮好懶踩單車，成日腳都向後踏，點會向前行？要逼佢踩先得



爸B就沿住跑道jogging，妹妮成日一邊踩一邊嗌住爹D



跑步都快過佢踩單車，可想而知佢踩得有幾慢！


只係一個圈，又話要玩波波



好似撲蝶一樣，撲唔停，唔會攰既



玩完一輪又再踩單車




唔夠一陣又走左去，今次同爹D係草地玩捉依人



又番去踩下單車，總之踩兩下又走，走兩下又踩單車



影下相



隻懶豬直情懶到要我踩，真係驚坐爛佢架車呀。



妹妮仲要坐埋上黎，真係逼爆單車！



返屋企唞一陣又出去食飯，我地D週日就係咁過了