除夕 kids gathering 開 party

12。31日 除夕了，自從妹妮出世後我地除夕都無出過街慶祝了。。。因為1月1日係假期，假期前夕都會同妹妮一齊瞓，點走到出街喎。唯有早D去街街啦，今日就去同朋友仔B聚。



妹妮而家開始貪靚，要自己揀衫著，今日扭住計要著呢條裙，本來預備左另一套衫點都唔肯著，吹漲！！



今次聚會係Hilina屋企搞，其實我地年年都會聚一次，再加生日會時見面，平時因為好難集齊咁多人所以都唔係成日見到面架



Hilina今日扮tinkerbell呀



一入屋當然要參觀下先啦，首先去參觀下細佬Hadden間房先，妹妮差D唔客氣爬埋上人將床呀！！



咦，Hilina張床咁似自己張床既？因為都出自同一傢俬鋪囉，不過妹妮表態話鐘意公主，所以我地畫左公主花。



嘩，又有貼紙



幾個女仔坐埋開枱畫畫



其實今日好多小朋友，淨係幾個07 queens都有5個，加埋有D細佬，細妹，哥哥，都有成9個細路



妹妮都好鐘意同力行哥哥玩架



好彩Hilina屋企夠多玩具招呼朋友咋！！好容易就幾個圍埋一堆玩，大人就可以傾下偈。今期topic都主要係圍繞出年K3升小學了，聽得多壓力都大D！



爸B出奇地係其中一個特別鐘意同細路玩又特別受細路歡迎既爸爸。。。



唔知邊個提意彈琴先



力行哥哥又表演一下，大家砌磋下



妹妮都好似好有興趣噃，梗係啦！佢平時屋企個琴仔佢都玩得一大餐，有時又扮老師雙手交叉晒咁㩒D琴鍵架



聽到Hilina彈琴妹妮都想彈埋一份呀，又叫Hilina彈多幾首比佢聽



幾開心！



好喇，又係細路仔最期待既交換禮物時間了！！大家排隊抽獎



妹妮抽到份海洋公園幻燈片機，睇到好多動物架！佢勁鐘意呀



都未影相大家都拆晒禮物了



好了，來個大合照先！其中07 5 queen 就係左二數起Hilina，細佬Hadden(唔計）Sophie，妹妮，梓悅，Clara(右二）




081月1日 gathering, 當時因為其中Sophie扭計喊，所以無係相中。左起係梓悅，妹妮，Hilina，Clara。。。妹妮係07 B中年紀最細

Hilina屋企真係設備齊全，居然可以變到張長枱出來，仲要有齊咁多張櫈仔先勁！！


細佬扭計唔肯用公主枱布，下令要改用米奇！



有晒兒童餐具潻呀！！



食完野妹妮同Hilina friend左，以往佢多數同Clara玩，不過無見Clara一排已經生疏左。今晚就同Hilina friend D，兩人孖公仔。玩多一陣就返歸了，今日真係多謝Hilina媽媽招待， 期待下次再聚呀！妹妮都話好開心，下次再玩過！



返到屋企，妹妮覺豬後，又係我地兩老等倒數了。。。都係望住電視無出街，送走2011，迎接2012