停不了的飯局

近排可能因為冬天＋聖誕＋新年＋旅行＋annual dinner＋朋友gathering+婚禮，不斷勁食，媽me肥左十磅都呀！！



妹妮趁爸B去左英國出差時，學識左幫自己‘叉電’，佢叫做‘brain charge’喎！叉完電佢就醒神晒，做功課都快D。



情人節我地都無特別慶祝，數番對上幾年，原來都因為近新年我地無慶祝呀。上年就啱啱係日本旅行返香港係飛機上無慶祝，再上一年又因為係農曆新年要同家人食飯又無慶祝。。。對上一次去慶祝都唔記得幾時了。今年問爸B出唔出街食飯好，點知佢居然反常話好，但係我地唔需要去D好有氣紛再劏你一頸血既romantic dinner，所以打算食中菜，唔駛加價吖嘛！



去左利苑食餐casual 飯，咁蹺大家都可以早走食早場，食完仲可以返屋企見下妹妮潻



成餐最好食就係呢隻酥炸生蠔呀！！



食完飯嗱嗱聲返屋企，仲趕得切趁妹妮覺豬前同佢講下故仔！正！



公司annual dinner， 本來有個theme係‘閃閃之夜’， 可惜當日有全日既training，唔通bing住咁去咩！唯有揀件有小小bing bing但又唔浮誇既著足成日啦！



呢晚都有十幾人（有男有女）真係全身閃晒咁參加最閃大賽架！驘左有成千五蚊獎金架。



某日又約左Cathy去high tea，誤打誤撞去左ifc 間agnes b。



叫左個tea set for 2， 好彩未食晏咋！！



仲順便幫自己買左罐茶，呢隻其實係珍珠香片，不過味道啖D，要落成7，8粒先有茶味呀。



晚飯都有約，龍蝦配炒米粉，一樣好食！



搞到又食到捧住個肚走！



再接再勵，又約左Evan同Kennis 食晏，今次食‘貴野’ 去Harlan's，趁lunch 平D嘛！


＄198頭盤任食，加主菜，甜品，餐飲，其實都唔算好貴。個任食頭盤好多選擇，可以當主菜食到飽架！



主菜我叫左肉眼扒，味道都唔錯架！



甜品都好正，下之要同爸B去食多次先！



隔日又約朋友食晏，今次食太平館。好耐無食，我地叫左瑞士汁雞翼，瑞士汁牛河，咸牛脷飯同次次湊夠人必叫既梳孚里。梳孚里仲大過個人頭呀！！



未食已經興𡚒！又點會唔肥呢？

尋晚又去飲滿月酒

好耐無抱過初生BB了


順便我地一大班朋友reunion，大家都話下次見面都應該係滿月酒或婚宴了



再加今個星期同下個星期都有婚宴要去，無話唔增磅就假了！！