Aerin's ‘look who's turning 2’ birthday party

頻撲了幾日張羅到派對用品了，今個星期六（10/10）為妹妹妮搞第一次生日會！

其實都想了一段時間才決定的，本來打算自己家人開party算了，但嫲嫲一家齊人都有成打人，加埋公公一家４人同我們一家４人都成廿人。如果在我家一定迫爆！所以諗不如book clubhouse的function room，順便可以叫幾個小朋友一齊玩！

搞party當然要有食物，Emily姨姨打算訂ruby tuesday外賣，但傾傾下發覺廿人份量起碼要到會order才夠食...咪要成千蚊？我不打算搞豪華派對噃...於是索性一人負責一部份自家煮好了。

一切準備妥當，３點鐘落樓開party！預算大部份人都會遲小小所以我們都３點先開始落樓。其實都無特別話要點佈置，都係貼下生日banner，吹下氣球。最重要都係擺好食物！

妹妮做主角影住相先

爸Ｂ負責吹波波

呢個大波幾經辛苦，要３個人合力先至打到結！

除左Elmo，妹妮都好鐘意Zoe，呢個Zoe同妹妮差不多高呀！

今日係ＥＥ正日生日，妹妮同我就下星期六，但下星期六已plan好有節目所以個party提早一星期搞，ＥＥ就同妹妮一齊慶祝！生日快樂！！

妹妮自己週圍跑，我同爸Ｂ自己影番張先

妹妮叫uncle德做duck duck，仲會加埋雙手放腋下鴨叫的手勢

全家幅１

全家幅２，唔知點解yayaGigi揸機係要將人都偏向左下角？

都係Simon架機影得好Ｄ

yayaGigi照顧妹妮功不可抺，當然要影番張啦。

第一個朋友仔Clara到了，大家無見好耐有點陌生。

但妹妮收到禮物仔後就肯去hug hug 同鍚鍚嘞，好現實呢。

無請小丑，無貼紋身counter，不過小朋友都有節目...Ta...Da! 就係填顏色嘞！都可以比他們安坐玩下！

不過只可以hea到一陣，轉眼又食緊喇。

第二個friend JJ出現了！唔知點解妹妮只見過JJ兩次，但就特別認得JJ，就算我比一張JJ相片，妹妮都噏得出係JJ! 見到面又要鍚淡先

ＪＪ快Ｄ識行可以一齊跑！

跟住到行行Adrian，嘩多謝行行媽咪份禮物呀！

行行見妹妮玩到碌晒地一定嚇呆了！

表弟都到埋了！多幾個小朋友突然熱閙好多呀！

自製buffet，有Emily EE整的滷水鷄翼紅腸，鷄串，咖喱魚蛋/獅子狗魚蛋卷，yayaGigi整了雙色三文治，雜果沙律，炸春卷，咖喱角及花枝丸，同經典party小食菠蘿腸仔。仲有特別為小朋友而設的啫喱，麵包仔，yogurt 奶，梨汁。

來個noon D，一齊起舞！

蛋糕出場！！係Elmo呀！妹妮見到好開心呢

仲忍唔住要嘴嘴Elmo!

一家大細好開心！

因為太多人，不能每個‘單位’都登晒，不過因為小Gwyneth啱啱先瞓醒無影過相所以點都登番張。

暫時登住大大大合照先！

影完相切蛋糕！

兩續呢兩個星期係爸Ｂ，Emily EE，我同妹妮生日，所以就叫蛋糕公司整多幾個名牌等我們可以幾個人生日...一物幾用！

大人食蛋糕，小朋友就繼續玩。

最後食物都食得晒，我初初仲叫yayaGigi唔駛煮飯，諗住大把食剩的食物要清。玩完半晝真係攰晒，不過都幾開心，有朋友們一齊慶祝好玩好多呢！多謝各親朋專程來參加生日party，仲有咁多禮物！！

THANK YOU!!