呢幾張相兩個幾星期前影了，不過一直唔記得post出來。
就係我剪頭髪前同妹妮著母女相，其實主要想show的唔係我呀，係妹妮對住相機Ｄ鬼馬表情呀
後尾剪左頭髪仲剪到有蔭，妹妮第一次見到我個新髪型居然指住我話 NEW mami!!! 跟住仲做鉸剪手勢係自己Ｄ蔭度扮剪髪話 I cut my hair 
呢幾張都好鐘意架。平時妹妮都對慣鏡頭，今日學校photo day，又影單人相又影班相，尋晚已經同佢講聽日photo day見到camera要笑呀！
點知今日放學問佢有無對camera笑呀？
佢答 No。
咁點唔笑呀？
佢話：I feel shy。。。即時鴉雀無聲加𢱑爆頭
點解一個兩歲半既豆丁會feel shy？係真唔係呀？不過話時話佢一年前見到我Ｄ男同事都會呢埋我度扭來扭去。。。shy 呢家野真神奇！！
買bling bling Iphone套時買埋比妹妮既bling bling 髪夾，啱晒公主！
小皇冠都唔夠照要大皇冠！
妹妮兩歲半了，才猛然諗起要買對筷子仔比佢。尋日的起心肝去買，揀左好耐，因為有兩款，有Ｄ只有一邊圈圈，另一邊只有個厄位，而且兩隻筷子無連結，後來覺得呢隻應該會啱駛一點，但又有３個手指套位咁多，應該ＯＫ呱，就試下啦！
妹妮勁鐘意呀！！！仲不停練習，夾下我塊臉，又夾下我隻耳仔。。。
郁到喇，就大大聲話‘ＳＥＥ！！！’
玩到唔想放低，不停夾夾夾
嘩，夾到蛋蛋潻！！！叻呀，今次係妹妮第一次揸筷子，點知都揸得咁好，好叻呀！
yayaGigi應承妹妮今朝整蛋蛋比妹妮夾黎做早餐，妹妮終於可以試用新筷子夾野入口食喇！即時要紀錄低呢個最要時刻！！連環快拍幾張相先。
自己夾到入口呀，好了！因為有筷子又再提高妹妮食野興趣（雖然佢不嬲都對食好有興趣）以後食正餐時可能因為想‘玩夾野’可以唔駛餵了。
No comments:
Post a Comment