母親節

計算下今次都係第三個母親節了，舊年妹妮啱啱返playgroup，都有整朵花比我架，今年返nursery，學校教佢整張咭！其實妹妮都未知咩叫mother's day啦，不過都興祝下啦。

雖然就簡單Ｄ，不過複雜的佢都整唔到啦。

拿，都有Ｄ去art mania班既功課睇下，不過唔知老師幫左佢整幾多囉？因為而家個art 班無大人陪堂，佢自己入班房架，Ｄ點點妹妮話係用手指篤篤篤的。

都有Ｄ比較真實的，就係呢Ｄ畫符咁既畫作！老師仲幫妹妮lable左個堆野係‘snake’潻，真係唔講都唔知係咩。

我地去食早餐，妹妮今次自己隊晒成條腸仔，見到有包又隊埋入口

今次連吉列豬扒都塞埋入口，妹妮平時無咁鐘意食肉架，有時肉醬意粉都話no meat架。

食完早餐去海運行左一陣街，見到有咁大個媽媽主題佈景唔埋靚唔靚都影下啦，Ｉ　love mom噃！妹妮係要遮住Ｄ字

見我踎低又學人踎

都係拖住手啦

去反斗城行街街，今日搵到比小朋友推既車仔，全程推住無放手話I go shopping。見到架黃色手推車仲即時轉呔推黃色，不過卻吩咐我去推架紅色。

因為之前玩開個小提琴爛左，爸Ｂ應承妹妮買番件樂器比佢，母親節居然係妹妮有禮物！仲話so heavy！

去同姑媽同嫲嫲飲茶，妹妮好百厭，成日圍邊咬晒個包後就話唔要！

母親節嘛，今日同妹妮影多幾張合照呀，平時成日都係我揸機！！

但係個妹妮都唔駛人拖，自己好似甩繩馬騮，愈叫愈走，想捉住佢都難！！

下畫仲有表弟黎一齊玩！

其實母親節對我來講都無咩大感覺，記憶中以前可能媽咪係ＬＡ住，我又係香港，都無得慶祝。所以自己都唔會覺得係大日子，可能遲Ｄ妹妮真係識動手整小禮物時會感覺強烈Ｄ呱。

yayaGigi話好小細路鐘意食士多啤梨因為佢甜極都酸酸地，不過妹妮又好鐘意食噃

有電視睇就成個人sweet 晒，會捱埋黎

好sweet呢

不過後來發覺原來係鐘意我件衫Ｄ珠珠，你睇佢隻手！𢱑緊珠架！

我鐘意

呢對鞋仔係朋友比架，擺左好耐都未啱著，而家著到了，好cute呢。其實係咪me同爸Ｂ眼中，妹妮做咩都cute過人架啦，著咩都特別得意，見到佢已經好滿足了，有無得慶祝其實都無所謂啦。