２Ｙ７Ｍ

兩歲七個月了！又大一個月，啱啱病好，見妹妮著起件背心成個人瘦晒，個身仔好似無晒肉一樣，慘慘！

雖然已經兩歲幾，但係飲食都未有改變，仍然係３餐奶兩餐飯。因為每朝起身，午睡，瞓覺前都要飲奶所以仲未戒到奶呀。

明明好番了，不過隔兩日又無啦啦燒番。前日我早返屋企陪佢睇電視，妹妮無端端挨埋黎話scare of spider，原來係睇緊Barney，知道有隻spider會出場呀。跟本套Barney佢已經睇到背得出了！但又懶驚，頭頂佢唔順！

自從上星期發過燒，好似口齒都呤俐左！上次去睇醫生時已經不停口講野，而家Ｄ句子仲長好多！例如今日唔舒服，佢同yayaGigi講：yaya, there's lots of germs in my tummy and the back。應該係覺得肚仔唔舒服，於是yayaGigi幫佢搽完藥油同佢去poo poo，點知真係dum dum聲有poo poo，仲放左好多氣出來！

記性都好好，尋晚玩完爸Ｂ抽鎖匙，今朝搵極都搵唔番。下晝yayaGigi用好嚴重語氣打比我話：mam, I have something to tell you, I can't wait until tonight. 當時我仲見緊客，但比佢既語氣嚇親，驚有咩事發生。於是繼續聽佢講話搵左成朝都搵唔到抽匙，於是妹妮放學返黎便問佢尋晚玩完爸Ｂ抽匙擺左去邊，妹妮好興鬆咁話：oh yeah, I put it in my cooking box。之後真係去佢個煮飯仔盒到搵番抽匙！yayaGigi覺得好amazing所以就打比我。。。等我仲驚有咩事潻！因為有客係面前，我都好冷靜咁話oh thats good 然後話我做緊野，之後我都有打番去讚下妹妮既！

除左平時對事件既記憶，妹妮對時間都好有記性噃，好似有時鐘build in 左一樣！每逢星期六晚佢會自動知道當晚會同我地瞓啦，又每逢星期一都知道有art mania 班上啦。

前個排睇完本故事書，話有個公主同巫師，個巫師揮手一叮就可以將人變成石頭。而家我地就成日要比妹妮‘叮’嘞，佢成日要揮指一叮，我地就要扮唔郁得。

而家識影相潻！知道揸住個相機數one two three然後㩒制，不過就硬係求其㩒，架相機都未對到焦啦。。。不過佢用細機咋，大機真係驚佢掟爛！嗱，呢張就係佢既傑作！

仲有而家講多左廣東話，平時爸Ｂ成日同佢玩磨利力磨利力，個日佢話‘磨喱到，磨喱到’個音歪歪地好搞笑！！

以前睇宮崎駿卡通，見到Ｄ公仔既側面個鼻都只見到一粒仔，以前覺得畫得好唔真實，而家卻發覺幾真，因為妹妮側面個鼻仔都係一粒仔咁細架！

睇下呢個公仔個鼻就知我講咩！！

開心妹妮，有時都真係唔捨得你大得咁快呀！