發燒了

無啦啦星期四朝５點幾妹妮發燒了，不過７點幾退燒後就開始生猛到打死老虎都得，當我地張床彈床咁跳！我諗無咩事呱，星期五仲有學校旅行潻。

點知放工返屋企yayaGigi話妹妮又好似上次咁發完又退，退完又發，成日好痴身要抱抱。睇怕星期五都去唔到學校旅行了。

無錯，第朝一早妹妮自己話‘I feel very sick’，都係去睇醫生罷了，妹妮知道有得睇醫生居然好與𡚒！仲不停口講野，呢Ｄ係咪growing fever? 等醫生之際我地去茶餐廳叫左個早餐諗住比妹妮食，佢都自隊到兩條腸仔加小量通粉。你睇佢已經去到yayaGigi腰咁高有多，就黎去到yaya格肋底了！佢５歲時會唔會去到yayaGigi膊頭架？

入到診所，仲教妹妮同醫生講自己有fever，佢仲話tummy唔舒服，睇黎今次見到醫生應該唔會驚到喊呱。

入到去就開始有Ｄ拗底，當醫生問問題時佢仲答下，但幫佢用聽筒時就開始扁扁咀。不過最後都無喊，只係縮頸縮膊，醫生叫佢吖大口佢都有做，算係咁啦。醫生話無啦啦發燒（無感冒或傷風）都係比人（可能係同學仔）傳染架嘞，而家天氣咁熱，都唔會冷親啦咁話。

因為本來去學校旅行就有一個目的，係帶我地去文化中心睇小朋友Ｄ作品。學校話nursery 同 kindergartenＤ小朋友都有作品display架，我都想知妹妮可以做出Ｄ咩作品，所以趁星期五下晝有小小時間我就專登去左文化中心一轉，睇下妹妮件作品。點知行均晒都只見Ｋ１﹣Ｋ３的作品，並無nursery囉。

順便買埋泳衣比妹妮，佢好鐘意呀，猛話‘I want to open’要拆出黎試！

仲買左對沙灘拖，yayaGigi話妹妮胃口好好，所以又走番個肚dum仔出來。

今朝起身又去例牌食早餐，見妹妮朝早無燒當然帶埋佢去啦！又咁啱落雨，好野！可以著舊年同爸Ｂ去巴黎買的Aigle雨boot了，妹妮恨著左對boot好耐架喇！

今日著到勁開心，我問佢is the size ok?佢係咁答yes。

不過始終有Ｄ病，成日要人抱抱

去到茶餐廳就生猛番晒

準備覺覺豬了，其實妹妮病應該休息多Ｄ，個爸Ｂ居然話怕妹妮悶仲話帶妹妮去playroom 同叫姨媽姑姐黎陪妹妮玩。

我覺得因為有病至更加應該接觸小Ｄ人，靜靜地休息下hea 下架嘛？呢個爸Ｂ真係諗埋一邊！　希望妹妮會快Ｄ好返啦！