啱啱有個長週未，咁啱大伯Michael 生日，我地一家又去飲茶了，本週一照，妹妮著左條裙仔好靚呀！我似我鐘意個Ｄ衫呀，有大人版一定幫襯！
小公主出巡。。。佢而家成日話自己係princess，好彩未鐘意粉紅色啫！
暫時都係鐘意黃同綠！
又有新玩意，就係同我捽鼻，我話好似cat cat一樣，佢就更加鐘意玩。而家一講cat cat，佢就走埋黎同我玩捽鼻，不過只限媽咪，爸Ｂ佢都唔騷架！
大伯生日快樂！
星期六朝又去食早餐，今日妹妮條褲仔有條belt，佢話just like daddy，因為daddy日日著返工Ｄ西褲都有腰帶嘛！
今日帶埋yayaGigi一齊出動，妹妮見爸Ｂ去對面馬路入咪錶，驚死爸Ｂ見佢唔到，大嗌：嗲Ｄ！I'm here! I'm here with mami and yaya! 真係大聲到街尾都聽到呀。
今次去邊呢？我地打算帶妹妮去一個佢未去過既地方
有邊度咁神秘呀？
就係圖書館嘞！我地一早食完早餐，仲早到睇住圖書館啱啱開門！
我地係第一批人，不過去到都要排隊搭𨋢，估唔到一早都有咁多人！
早一晚已經同妹妮講今日會去圖書館，仲叫佢去到要靜Ｄ。你知啦，佢‘聲底厚’，一開聲就大聲到係人都聲到！所以要一早叫佢去到要細細聲講野
去到四樓兒童層，我地都成十幾年無去圖書館了，原來而家有一層專比細路仔，仲有好多書潻！！妹妮見到咁多書都自己週圍行攞書睇。
yayaGigi搵到本妹妮鐘意既書呀，講太空人架！妹妮因為睇Barney其中一集講太空人同火箭之後，佢就好鐘意呢兩樣野喇。
仲自己揭下書潻
不過無想像中靜到一粒聲都唔準出，只係細細聲講野都得。妹妮雖然已經控制了自己，但間中仍唔覺意大聲叫嗲Ｄ搵爸Ｂ。
唔係有yayaGigi講故仔，佢就走來走去，每本書嗱上手揭兩揭就掉番低。都係當黎玩多過當去睇書，不過爸Ｂ話帶妹妮去多Ｄ圖書館培養下佢睇書興趣都係好既，所以遲Ｄ有時間又會再來！
又到假期最後一天，一早天氣報告就話會行雷加落天雨，所以今日妹妮對雨靴又出籠。佢不知幾開心！
直情連抱抱都唔駛！自己行
又開心到彈起！
今日去大家樂食早餐！妹妮又棄通粉隊腸仔食兩條。
到百佳本來想買文具，點知妹妮見到草球猛話要攞，原來佢當呢Ｄ係水袖，戴住猛話去swimming -__-"
呢個人仔Ｄ想像力的確好豐富呀
No comments:
Post a Comment