buffet第二擊 - 預祝mother's day

尋晚都未落格，今日又去食過！今日預祝母親節，所以一早連早餐都無食。去到酒店見到有個姐姐同呢Ｄ銅像影相，妹妮又走埋去影，叫佢扮mickey mouse，就有呢個伸開雙手既pose。我地影完後，個姐姐繼續有癮地模仿銅像甫士影相，仲要係好認真唔望鏡頭岳高頭個Ｄ。。。心諗點解仲有人鐘意影Ｄ咁既相？唔通愛黎post上facebook?

一上到４樓，都未入到餐廳已經見到朱古力噴泉，妹妮個樣好似好想食一樣。

而家要自己查麵包！其實係貪玩多個想食。

唔知點解每次望鏡頭笑時個笑容都咁硬，好似笑得好勉強一樣，Ｅ起個口，但又皺起堂眉？

今日都妹妮無食飯黎，不過黎到又唔係食左好多野，最鐘意食都係生果同甜品。有噴泉又點會唔玩下！

又揀下其他的骰甜品

滿載而歸

呢排鐘意食朱古力綿花糖

大合照，妹妮又比個例牌笑容。

食到成口都係朱古力

妹妮對小朋友都好友善，表弟坐上佢大脾佢都好乖乖，仲攬住表弟親親，係個好乖既大姐姐呀！

今日都食左幾杯呢Ｄ甜品呀

見人飲檸茶，要我同佢一齊篤篤篤，都係搗杯細細地比佢篤過夠！

離開時見到枱面已換晒tea buffet的食物了，見到都覺得好甜呀！

黃昏有朋友仔黎探我地呀，今次呢個真係‘朋友仔’呀，因為Ellie得兩個多月大咋。妹妮見到ＢＢ好興奮，成日想摸摸ＢＢ。握下手先啦！

妹妮：等我呵下你先

見到妹妮隻仔同Ellie隻手，size已經差好遠了。

ＢＢ：你咪咁大力先得架，成日大大力咁拍落黎我痛架嘛。

妹妮：咁摸下腳仔啦

見ＢＢ喊就拍下心口，記住輕輕力呀。

妹妮：咁而家細細力得未呀？

再按下手仔吖，好舒服架

睇黎妹妮真係好鐘意同ＢＢ玩呀，成日烘住ＢＢ

連影相都要拖住ＢＢ，爸Ｂ抱住Ellie時，猛話好掛住細個時的妹妮呀。

難得比佢抱抱，妹妮博命攬到實，因為Ellie好乖，算好小喊。妹妮見ＢＢ喊就學我地拍拍ＢＢ心口。

妹妮好想抱抱ＢＢ架，不過驚佢抱唔隱，加上可能抱得唔舒服ＢＢ有Ｄ喊，做下樣算啦

見uncle，auntie有ＢＢ車推，妹妮都無賠抵，自己推架私伙車

而家會同我地一齊食下，不過佢志在參與啫，其實一早食左飯仔了。以前我地同auntie，uncle成日週未都會約出街食飯，而家大家都有了小朋友，週未要聚都只有留係屋企食了。不過話題轉左講下細路, 玩下bb都好開心!