就係趁妹妮病要瞓晏覺，我同爸Ｂ就溜走去街街。我地兩個都好耐無兩條友仔行街食飯了！而家多數都weekend先會去街，去親都帶埋妹妮，以前呢Ｄ兩個人去拍拖既日子都可能係妹妮半歲大之前，我地因為怕條街多菌而極小帶妹妮去街。個時就會wkend有yayaGigi睇住妹妮，我地兩個人去行下街喇。
難得有街去，硬係要食好野啦！好野又唔等於貴野既。諗起去食W's entercote，以前仲係time square時都食過，記憶中係幾好味的。今日去食順便懷緬下舊年呢個時候去英，法遊，搵番Ｄ法國情懷。
兜麵包好骨子的。
龍蝦湯都幾好味
其實搬左鋪都有幾年，不過一直未有幫襯過，新呢間個格局都幾好，唔係好high，不過幾舒服，比以前光猛。。。可能因為係日間啦。
法式牛扒，真係同去巴黎食個Ｄ一樣，係配薯條的，而且牛扒係簿切的，不過陣炭燒味幾正。
之後仲有甜品，抵食！！
其實今日出街係因為爸Ｂ想買用cash dollar買野，點知無買之餘又咁啱去左time square，見有bazaar咪去行下囉。點知都執到５對鞋！！因為真係好抵，平均唔駛$500一對，我都係諗住買黎返工著，所以都係平實款，過季都唔怕。買滿５對仲有extra 15% off！所以連爸Ｂ都叫我同一款買晒兩隻色。
咁我地又唔會唔理妹妮既，去完行都怱怱返去陪佢，今日有手作仔做。
係之前Emily EE去旅行時買的玩意，可以自己畫tee shirt。而家件衫啱著就攞出黎玩，不過都擔心妹妮畫到出晒界唔知會唔會好核突？
效果係點？自己睇下，好左Ｄ顔色筆可以再用，第時只要買件白tee 就可以再玩嘞！
妹妮學校上星期因為有個photograph day，要拿拿淋換季。我地由一月開學到而家已經買了兩次校服（冬季＋夏季），但係我地只著多兩個月，９月就轉新學校了，真係搵細路仔錢最易呀！
妹妮著夏季校服。上星期爸Ｂ買Ｄ樂器，個喇叭每次只吹到一聲響架咋，唔識連續轉聲架。
呢個搖搖下有聲響都唔知叫咩名。
仲有打鼓
成套野有咁多樂器都幾抵玩架！
妹妮繼星期日後已經好番了，多謝大家關心
No comments:
Post a Comment