bye bye 片片 + parents day

５月２５晚yayaGigi話開始唔比妹妮著屎片瞓，因為佢雖然之前有著片片瞓，不過半夜急時都會扎醒叫yayaGigi稱佢去厠所wee wee，所以其實著左條片都無真係用過，今次就開始試下正式戒片。

第一晚果然無賴尿呀！得左！！以後妹妮就正式同尿片講bye bye! 其實自從上年呢個時候就戒左日間著片，都係夜晚瞓覺先會著片片，每日一塊，已經慳好多錢了！而家完全戒晒，就連尿片錢都可以慳番晒了。

一早睇到報紙話一田星期四開始減價，因為有套刀想買，於是一早走去逛！點知去到只十點半啫，停車場都已經有特別車道比一田客人，個停車場仲有好多車。心諗有無咁多人呀？電梯門一開即時見到人山人海，Ｄ人仲多過旺角呀！！

睇番報紙先知原來呢個大減價係咁震陷！

後來報紙都有賣呀，蘋果日報：

13萬人一田公司掃貨 2000人排隊等開門　床品 15分鐘售罄

咁早去都不負所望買到心儀那套孖人牌刀

仲有幫妹妮執到小小野。其實真係想慢慢睇，不過太多人加上排隊比錢都要排半個鐘，我又只有個半鐘時間，於是怱怱執左Ｄ野就要排隊埋單走人。

買左個新水杯，佢因部屎坑開係，好快飲晒成杯水。仲教爸Ｂ點開個杯蓋，話‘you have to press the white one’。。。最近‘you HAVE to’成為妹妮口頭禪，句句都有‘you have to’。。。原因係佢句句都係order 我地做野吖嘛！一係就you have to lie down，一係就you have to sit here。。。

另一樣就係買左個飲管奶樽，純綷想比妹妮試下改用飲管飲奶，唔駛成日用奶樽都要瞓低飲。因為妹妮不嬲都有飲開飲管杯，所以都唔擔心佢唔飲，仲因為佢新屎坑，飲得好快潻！！果然乖乖地坐低飲晒成支奶噃！而家佢想用呢個樽飲就會叫yayaGigi比‘another milk milk’佢

星期５係學校parents day，要同老師會面。國語老師就對妹妮讚口不絕，話佢英文好好，好流利，國語又好有與趣，好肯參與一齊做動作，唱歌等。反而兩個班主任卻話妹妮份人較慢熱，好多時要你鼓勵佢先郁，又好小主動同同學仔玩（？）我聽完都覺得奇怪，妹妮係樓下playroom次次都係最主動熱情嗰個，Ｄ朋友仔都怕左佢咁熱情。老師話可能班房活動範圍細所以佢無出去出面common area玩時咁放，往往都要warm up咁話。又話如果讚妹妮時，妹妮會feel embarrass，我又奇怪，因為我地係屋企成日讚佢good girl，讚佢靚等，妹妮往往都好proud of 自己咁走去yayaGigi或我地度話‘see, I'm so pretty!’或‘see, I fix it’等，搞到我地仲驚佢自信心過份爆棚。其實唔係話唔接受老師既意見，但點解老師眼中既妹妮會同我地平日見到既差咁遠？以前nursery班個老師講既評語都同呢兩個老師講既好唔同，真係好懷疑究竟係老師唔夠理解妹妮？定係班房環境問題另妹妮會hesitate唔敢郁或主動呢?　真係有Ｄ令我𢱑爆頭！