12。30 行行生日會

12月30日，又有節目喇，一早同爸B食完早餐先。。。因為行程緊密，yaya一早已經幫妹妮著到去飲一樣 一於同爸B一齊影番張‘飲樣’相啦！



食完早餐其實我地去左睇車呀，因為爸B想換架countryman S。。。不過當晚同朋友傾完後被完全推翻了。。。睇下遲D仲會唔會再諗啦。

出發去行行生日會，但係差唔多到妹妮先瞓著，如果即刻摷醒佢應該都無mood玩，於是我地停左係屋苑出面路邊等佢瞓醒。一等妹妮都瞓左成大半個鐘架，精神晒！！

唔記得寫生日咭比行行，於是拿拿聲寫係花紙上撩番幾隻字同簽番個大名先

另一份係比妹妹既禮物，不過都可以同哥哥兩份玩既

幫手做苦力（姑呢）

去到party room喇，原來呢度平時係餐廳黎架，今日被包下做party room。雖然妹妮見過妹妹幾次，不過次次都無同佢玩架，主要都係同行行玩，所以無咩交流。

送到禮物喇，兩個‘老朋友’影下相先。。。我幻想廿幾年後大家去對方婚禮都會有類似合照。哈哈！

Cathy EE準備左好多好靚既皇冠同頭箍呀！！可惜妹妮唔肯戴住玩

二點鐘有magic show，細路仔們各就各位，個個坐定定

其中一個遊戲係交換手上張咭，見妹妮一臉迷網咁，不過都有交換到唔同既色咭既

不過次次都無佢份啫，但係魔術師都好識do，無獎既小朋友都有小禮物既。D細路仔好開心呀

笑到口都大，行行比較斯文含蓄，妹妮大笑姑婆笑到見牙唔見眼！ 其中一個遊戲叫小朋友估魔術師手上既顏色，係6揀1， 叫極妹妮都唔肯舉手估，激死！！佢怕估錯呀。到其他人估晒其他色剩留一隻色一定係答案佢都唔敢舉手，後來另一個小朋友估中左，我便同妹妮講：你睇，媽me估得中架，你信我啦！ 跟住第二回合，我求其噏‘綠色’叫妹妮舉手（其實志左叫佢舉手唔好咁怕醜，點知又真係中左！！）

魔術師做左好多樣唔同既表演呀，輪到壽星仔出去幫手做小魔術師了！佢幫手表演但係都係被魔術師整蠱咁

所以行行同D小朋友都爆笑，玩得好開心！

大笑姑婆又黎！

原來係變D顏色出黎，張黑白色既畫變成彩色呀！！

睇完魔術我地埋枱食野

又影下相又食，妹妮更邊玩邊食。呢度因為平時係餐廳，所以食物都將好食架！

無幾耐就係生日蛋糕時間

行行同媽咪爹地，妹妹影相。。。sorry妹妹，將你cut左一半潻

許個願先！

切完蛋糕又再玩過，仲請行行食棉花糖

呢度都有好多遊戲玩具呀！！成個小型playroom一樣！

臨結朿party前，當然叫小朋友大合照啦！！

今日大部份都係08 B ，所以妹妮可能係最大個喇

同主角影相先，祝行行快高長大，身體健健康康！！

加入左幾位同行行一齊叫‘四大天王’既小朋友！行行個pose真係型到爆

番屋企了，希望好快又得閒約埋行行一齊再玩過啦！！