去完白之戀人館，我地又出返去大通站，再返兜多一轉百貨公司（可想而知爸Ｂ係未死心既），不過我地去左今朝hello kitty搭𨋢上去既十一樓。原來係成間sanrio store，仲有個收費遊樂場，好似playtown 咁，＄３００円／２０分鐘，我地就玩２０分鐘啦。
除左有車仔揸，仲有波波池，sir滑梯，好似playtown咁比你爬來爬去的隧道。
又有幾個呢Ｄ㕑房比妹妮玩，妹妮玩得好開心，又煮野又洗碗。
仲煮埋比我食潻！
玩夠廿分鐘，我地出去行下間shop，佢突然愛人爆棚，無啦啦拎起隻hello kitty唔肯放手話hello kitty is sad，I need to carry her。之後藹左隻hello kitty好耐先話hello kitty is happy now，先肯放低隻公仔。
跟住我地去拆蟹，今次睇旅遊書介紹的蟹將軍，去到居然唔駛等有房坐。
有自己一間房就好喇，因為妹妮可以走來走去，咁我地又可以安安樂樂拆蟹，唔駛驚佢坐得耐扭計。
我地叫左個萬一円蟹餐兩份食，有大毛蟹一隻，Ｄ肉好甜，Ｄ蟹膏都好正！
刺身仲正，又好多野食，生又有熟又有，仲有炸的！
再加多個刺身拚盤
妹妮可以行來行去自己玩得好開心，我地有我地食，佢有佢玩。
呢張相就係妹妮揸機架，我叫佢係相機度見到我先影，點知真係影到呀！
跟住個姐姐入黎將個蟹鍋加飯熟成粥。
本來諗住碗粥啱晒妹妮食，點知佢都係唔肯食
反而哈密瓜就成舊食清！
食飽飽出去門口影番張相先。
跟住我地行返酒店，爸Ｂ經過松屋話要買宵夜。之前去東京我地成日食松屋做早餐，今次反而只係買過一次當宵夜咋。
雖然spend左成日shopping，但係我地無咩買野呀，我就買左頂草帽，同件花花連身褲。妹妮又係收穫最多嗰個！我地見對返學鞋仔幾靚，因為上Ｋ１要著黑鞋呀，唔可以好似而家咁著佢對colorful shoes，我地一口氣買了兩對，一對大size等第時著呀！
No comments:
Post a Comment