第二朝一早天氣好好呀！仲好晒潻，妹妮都話要戴番幅超！我地今日主打扎榥，諗住趁大減價行下街掃下貨。其實都預左呢度無東京咁多姿多彩，尋晚只係行左一陣，今日再發掘下扎榥有無咩行先。
尋晚經過呢座大廈見咁靚都覺得應該有Ｄ野，原來呢間應該係之前seibu，不過行暈晒都唔見個招牌，估計係執左了
不過個大廈外型就真係幾靚呀。
見到間拉麵鋪叫味之時計台，係扎榥有好多分店，於是試下先
爸Ｂ叫了叉燒拉麵，我就叫了招牌的牛油帶子拉麵，果然好正！有成四粒大帶子加叉燒！同甜栗米，妹妮都食左半碗拉麵呀！
我地今次帶埋妹妮私家筷子，因為佢貪過癮成日想夾野，係咁就食左好多拉麵了！
連餐廳提供既anpanman叉羹都要行埋一面。
連餐廳提供既anpanman叉羹都要行埋一面。
之後就地去左大通公園影下相
呢個公園都幾靚架，又見到扎榥電視大樓
跟住妹妮見到個雪糕招牌就硬無錯過啦，嗌住話要ice cream。
我就最怕佢食cone，因為食親都好似貓仔lam 下lam下咁，Ｄ雪糕溶晒都未食到。
跟住我地行去Parco 同丸井shopping，而家大減價呀！不過Ｄyen貴，所以都無咩點買野咋。去到童裝部妹妮見到呢隻公仔猛話係mickey，即刻走去拖住隻公仔，仲識話I want to take picture。。。唔通因為我地成日話要佢影相，所以而家音自動波話要影？
咦，突然hello kitty 出現，妹妮即刻話係‘my friend’走去拖住人隻手呀，唔知hello kitty 幾時做左佢個friend呢？
佢獨霸住hello kitty，其他小朋友都埋唔到身呀，隻hello kitty 又好有心機陪妹妮玩，仲差Ｄ帶埋佢入𨋢潻！
身後就係其中一個扎榥地標，sapporo tv tower。我地無上去呀，行過影下相算了。而家一舉起相機，妹妮會識自動擺出Ｖ字手！
行完百貨我地去大通站附近既狸小路，Ｄ旅遊書話呢度好多手信賣，我覺得有Ｄ似上野Ｄ街仔，賣下雜貨咁，都係無買野。
見到寵物店，妹妮即刻彈起身睇狗仔
行完街就搭ＪＲ去白之戀人博物館，不過未上車妹妮已經瞓著覺了。
一上到ＪＲ站，望下四週都一片荒無，問下人之下摸到去白之戀人館。搞笑既係爸Ｂ話一陣去到呢個宮之沢站就搵Ｄ野食先，因為佢唔想食白之戀人入面個cake buffet，於是我亂噏話呢個站除左白之戀人館之外咩都無架，無野食架，爸Ｂ仲話無理由成個站咁大無野食。點知一直沿途至白之戀人館除左見到麥當勞外真係無野食架！
所以我地入到去逼住要食cake buffet，點知cake buffet又滿額，我地退而求其次叫左３件cake set。兩個人共有６件cake揀！其實每人３件都真係好夠，都食唔晒，如果食buffet每人比多500yen又真係好似嘥Ｄ。
妹妮鐘意食朱古力蛋糕
仲食得好大啖潻！
無耐又扭計，都忘記了佢扭咩，不過就比爸Ｂ‘的’左去naughty corner，可惜佢自得其樂，一路企一路自娛唱歌。後來爸Ｂ走埋去，佢就話自己not happy，仲想扁咀潻。當然爸Ｂ即時呵番鍚番晒啦。
氹下佢同木偶影相
仲有小飛俠潻！
之後上二樓原來係個小型玩具博物館。本來有三樓參觀整餅過程同體驗整餅，但係體驗個part已經close左，我地就無比錢上三樓了。
跟住落番樓下間鋪，除左有朱古力仲有出飲品架！不過睇左咁耐我地居然一樣野都無買過！
之後出去rose garden行下，呢度有好多間小矮人屋，啱晒妹妮呢Ｄ小矮人走入去玩！
個花園都幾靚架，硬係搏命同妹妮影相啦！
小矮人出沒喇！
後面個鐘樓仲有Ｄ公仔走出來唱歌！
妹妮玩得最開心莫過於係小矮人屋之間走來走去了。
去完白之戀人館，我地返出去大通站搵飯食，今晚諗住食蟹呀！！
No comments:
Post a Comment