一早我地就pack 好行李check out，因為今日會去小樽呀。尋晚經過mister donut，先諗起好耐無食過了。記得有一年見mister donut門口擺左好多杯碗碟，以為可以就咁買，於是買了一盒，點知入面全部係donut黎架，食幾日都未食晒！
今日帶埋妹妮黎食過，個donut櫃好多唔同色，好似糖果一樣，好靚架
不過為免食得太飽，晏Ｄ食唔到其他野，我地叫了兩個算了，一個係比妹妮既傳統朱古力，一個係我鐘意既綠茶味。
呢個綠茶冬甩好正呀，同平時個Ｄ唔同，咬落去好煙靭，好有咬口架！
見有人叫麵，奇怪冬甩鋪都有麵叫，於是又試下。呢個係蕃茄冷麵，上面個辟茄醬係沙冰黎架，但好濃蕃茄味，正呀！
之後想去影下Ｄ地標，因為應該得番今日會hea D，之後都行程緊湊既。呢個係地下街既入口，又影一餐
然後去計時台，呢個係扎榥地標。
又影下相先
之後我地行左成６，７個街口先去到sapporo factory，望落去都幾靚呀
妹妮無啦啦嘟咀，我地又學佢
sapporo factory唔係outlet黎架，只係著通shopping center，入面好大，我地去左comme ca kids 行，佢地有Ｄkids corner比細路消磨時間，咁大人就揀到野買啦！
出面紅磚屋前身是啤酒廠
而家入面係好多間不同餐廳
呢面就係shopping center既外牆，商場入面有天幕頂，好光猛架。此時妹妮已經瞓著覺豬了。
我同爸Ｂ就趁機影下二人照喇！
跟住又番去狸小路篤尾既二条市場食魚生飯，妹妮仲覺豬緊架。
叫左兩碗一樣既魚生飯，的確幾新鮮，不過一碗入面有太多款魚生喇，其實我淨係鐘意食某幾款咋。
於是又叫多個５味set黎試下，其實同上面碗魚生飯一樣價錢咋，都係二千幾円，不過呢種好似抵食好多！
豬妹覺豬時真係成個小天使咁架，亦係最寧靜既時候，我同爸Ｂ先有機會傾下偈
不過每次瞓醒，擘大眼一刻見到我地就會笑，真係見到都覺得好開心囉。
差唔多時候我地要去攞車了，原來我之前個booking係搞錯左，我地一早想book架車滿額無得book呀！死啦，幾驚要搭JR去小樽，好彩原來酒店後面就有間toyota，我地仲即時book到車！
妹妮好好記性，年頭時我地都係租toyota架，間鋪Ｄ佈置一樣，所以佢一入黎就話自己黎過呢度！估唔到佢既記憶有成半年咁耐！！
我地今次即時walk in所以無選擇，只有呢架ractis。年初去東京時都好似係呢架，不過係最細model 1300cc，勁慳油，今次呢架係1500cc，仲要四驅，睇怕油錢會貴Ｄ了。
返酒店攞埋小小行李，我地就向小樽出發了！！妹妮今個trip勁痴爸Ｂ，成日要‘爹Ｄ抱’，連坐車都要爸Ｂ坐隔離，於是又係我做司機。攞車後就開始落毛毛雨，好彩攞車先落雨咋，我地由sapporo factory行返黎都成１５分鐘路程架。
大半個鐘我地就進入小樽了，本來set 左gps目的地去酒店先，但係路經好多‘硝子館’（即玻離店），於是即時落車去參觀下先。
原來呢條街就係小樽既觀光熱點，有好多野食，又好多小店。呢間好似街市＋雜貨鋪
入面有乾貨賣
有新鮮海產
門口仲又即叫即燒食海鮮潻！不過妹妮肚仔餓，我地嗱嗱聲去左對面買麵包，無食到呀。
影相算了
入去Ｄ硝子館睇下先，我地又係齊睇無買
商店街有好多鋪頭架，我地都未行晒
北海道名物六花亭，我地入去掃左一輪貨
之後就去酒店check in，都未有機會行晒條街。不過一上車又開始落雨，所以我地擺好戰利品後都費事再落車行了。
去到酒店因為我走左去泊車，妹妮抽起條肋終於喊住要搵媽me了。酒店個經理見佢喊晒仲即時攞左盒玩具出黎比妹妮揀番件潻！
今次住呢間酒店雖然係著通酒店，不過二樓有溫泉浸架，而且超方便，如果無揸車，間酒店就係正小樽站對面。
放低行李我地又出發去食晚飯了，今次去食牛角。以前去東京時都成日話去食，但係唔知點解又次次都去食左另一樣無幫襯過。
燒肉都幾好食
我地叫左兩個set，再叫左個拉麵比妹妮，因為好似係拉麵先引到佢用筷子自己夾黎食，結果都成功食到成大半碗！
食飽飽後因為又落雨，今晚我地返酒店了
同妹妮去浸下溫泉。妹妮第一次浸溫泉，我地話比佢知去游水，又換件泳衣先肯，去到更衣室見到個個都打大赤肋（男女獨立的）就即時比我幫佢除泳衣，但係就唔肯淋花灑，好彩我地沖完涼先落去。點知妹妮一浸上癮，仲唔怕熱，當個浴池咁游水，跟住仲勁，一Ｄ都唔怕凍去個冰水池玩，仲成個人浸落去！Ｄ水凍到我都怕，於是嗱嗱聲抱番佢入熱水暖番個身。有溫泉妹妮玩得好開心，仲話又再去！
呢間酒店都算唔話得，９﹣１０ＰＭ仲有免費拉麵食！我地要左兩碗，雖然得一塊叉燒，不過免費既，都算唔錯了。
No comments:
Post a Comment