2Y10M

咁快又一個月喇，呢個月過得特別快，可能因為暑假關係，又去埋旅行啦。妹妮２Ｙ１０Ｍ個日，我地正係扎榥玩緊，好快就三歲人仔了。前幾日佢攬住隻ＢＢ公仔，無啦啦同我講I a big girl，之後就塞左隻ＢＢ比我抱，跟住話 : I 呀(佢係講緊英文既'a') 3 ear old year（佢想講3-yr-old，不過又撈亂晒year。old。year D次序）不過到我攬住隻ＢＢ，佢又話you have to use 2 hands。之後見我雙手攬住隻ＢＢ，又話I a small baby now，即時撲埋黎要我攬住佢。

咁快已經想做大個女，但又唔捨得ＢＢ身份，於是間中又話自己係baby，仲扮埋ＢＢ聲講 I am a baby，要我同爸Ｂ抱抱。。。-____-"

已經好似大人一樣有對答，係一句句完整句子，可以傾偈架。仲有呀！佢仲幫人改名潻！話就playroom入面有個細妹妮一年既小朋友叫做Jonathan，唔知點解妹妮以後就簡稱Jonathan 做‘彈彈’（係彈琴個彈）。。。連人地個媽咪都唔知架！

而家又可以點佢拎野。有日我叫佢拎個電話比我，佢問where?　我答係梳化後面個corner，佢就識去摷，真係好駛好用呀！！！爸Ｂ又試過點佢遞Ｄ其他野，哈哈！

而且會表達到自己意見，話比你知佢想點。例如I don't want to...（呢句就成日講）。有次去poo poo，我同yayaGigi通常會擔張櫈仔睇住佢，佢唂到想痾時就會成臉紅晒，雙眼有淚光，然後話你知‘mami, I am poo-ing, I'm pushing my bum bum’，‘爹Ｄ don't look at me’咁叫爸Ｂ唔好行埋黎，真係好鬼搞笑！

除左講英文外，其實妹妮都識聽識講廣東話架，不過可能成日對住yayaGigi講得英文多Ｄ啫。有時無啦啦會爆一句‘我要搞住爹Ｄ呀’，有時又話‘蚊蚊咬呀’，問佢廣東話，佢就會答番廣東話。其實Ｋ１開始會返兩文三語班，所以都唔擔心佢會唔識廣東話既。

幅相好似飄零燕入面個凱迪咁係個山上跑，妹妮而家見到呢幅相仲記得佢當日係追住前面個𡃁仔架。

至於飲食方面，都係一樣無變３奶兩飯。去旅行時初初諗住佢會食麵多Ｄ，點知自從發現講故仔tum食飯咁work，就餐餐都剪碎Ｄ肉撈飯比佢食。佢仲會自己餵自己食潻！可以食晒成碗架！！今次比起年初去東京個次，成日淨係飲奶，今次叫做無捱肚餓了！而且食好多零食，一上車就一包二包零食係咁食！去旅行前磅過係33.4磅，不過兩歲後都無健康院Ｄ成長chart，都唔知而家係幾多percent了。