放暑假了

啱啱呢個星期就係暑假開始，我地幫妹妮報左暑期Ｂ班，要７月尾先開學，有成３個星期唞下。唔駛返學但係一樣咁早起身，於是爸Ｂ話帶佢上山做下早操

上到山好多婆婆係度耍太極，仲比左把扇妹妮一齊耍潻

妹妮跟埋一齊耍，不過把扇太重，耍唔郁。

於是個婆婆比把細Ｄ既扇佢耍過

呢個女仔兩歲半，細妹妮兩三個月，不過佢婆婆話無返過學，所以見到妹妮好想一齊玩，想同其他小朋友一齊，兩個後來都有拖下手仔一齊玩。

上星期就去左葵涌廣場，仲掃左大批童裝比妹妮，個度Ｄ野真係好平！！好似返左個安全既深圳一樣，買左好多野呀！妹妮每件都拎起然後fing開話so pretty，扮yayaGigi講野-_-"

仲買左個貴手袋比妹妮！因為呢個袋係黃色，加上特價，加上係最後一個，所以决定買了。當然無意讓妹妮咁細個就用名牌啦，買，純綷係因為個色又啱，又on sale，所以買下了。亦都無意以後繼績買，一個就夠了，所以大家唔駛擔心妹妮會變成名牌精。

不過妹妮見到黃色袋，鐘意到不得了！拎住個袋跳晒跳。

第朝起身仲記得之前一晚擺左money(佢當會所游水証係money)放左入去，點解第朝唔見左，問where is my money?

呢件裙仔就係葵涌廣場買的，幾cute呀

呢件都係呀

yayaGigi就快放假返鄉下，yayaGigi話今朝同妹妮講佢會唔見妹妮成個幾星期，會好miss 佢。

點知妹妮答話：yaya，its ok，I am going holiday too，I go to japan with daddy and mami。

yayaGigi一心諗住妹妮會好唔捨得佢返鄉下，點知比佢吹到啤一聲

呢排因為唔駛返學，多左同妹妮出去食早餐，見到凍飲例必‘want to stir’

最近睇得barney多仲話要做rock and roll star 潻！

今個星期三開始yayaGigi就放假了，因為我星期五先開始放假，呢兩日要靠晒爸Ｂ了。好彩星期５我地會去旅行，唔係要睇住妹妮又返唔到工又無掟去屈係屋企真係唔知點算。好期待星期５旅行去呀！！！！

rock and roll star video