盛夏の北海道 - DAY４。part 2。富良野

離開小樽後就一直行highway向富良野進軍，high way 中途有Ｄ小休站比你去下厠所同食下野唞下。我地買左支栗米同串燒十勝牛肉，勁好味呀！！妹妮食緊條栗米甜到好似加左糖一樣咁甜呀，甜到漏呀！！

繼續行程，之前都聽講去富良野Ｄhighway都唔可以開快車，多數行50km，不過我地跟其他車一齊都有超速。但係最奇係有一半路程都係山路，想快都唔得，加上落雨，係山之間有好多霧飄出黎，感覺好迷幻，都唔知有無行錯路。爸Ｂ仲話Ｄ霧並唔係霧，一定係有人燒野喎。。。點解咁多人燒野既？唔通係ＢＢＱ大會？-___-"

3點幾我地到達第一個景點。。。芝士工房，妹妮差唔到先至瞓著覺呀，所以落車時爸Ｂ唯有抱住佢去啦。

今日全日都毛毛雨，我地入到工房妹妮咁啱醒左，可以睇下芝士工場

我地見趕到３：３０ＰＭ最後一班做雪糕体驗，於是又報名去玩下。點知妹妮未瞓夠好moody，係要爸Ｂ抱住唔肯落地又唔肯著牛牛圍裙。

唯有我整埋爸Ｂ個份啦！首先將牛奶＋糖＋乳化劑搞混

放入雪糕機就得喇！等１５分鐘其間我地去整waffle

不得不佩服爸Ｂ強壯既臂彎，單手抱起卅幾万既妹妮仲可以整到waffle

三十秒就得喇！

我地一人整一塊

都似模似樣吖！

妹妮個mood仲未過，仍然要抱抱

不過雪糕就整起喇，我地一齊食番自己既製成品。

有雪糕食終於有番Ｄ笑容

食過雪糕正常番晒，上去二樓參觀下，食下芝士，我地又去下一站了。

半個鐘車度，我地就去到anpanman館了，Ｄ旅遊書話要有車先至去到，我地今次有揸車，加上又係妹妮最愛之一，又點可以唔去吖！一黎到妹妮就成個興𡚒晒。

見到有水池仲話要玩水潻

其實仲落馬毛毛雨架，所以玩左一陣就‘的’左佢入鋪頭玩。

見到妹妮改名既‘Aerin cry’，硬係要影相啦！

入到去見公仔攬公仔，充滿愛心。

呢度又有個兒童corner比細路玩

樓上仲有麵包超人美術館

Ｄ畫都幾靚架！

嘩有隻大‘Aerin cry’，仲唔攬到實？仲鍚埋潻！

妹妮就收穫就豐富，爸Ｂ買左個結他同架腳踏車比佢呀！

anpanman館隔離有個果jam園，我問爸Ｂ仲去唔去玩体驗，佢已經話咪搞了。我地就入去試食下同買下野算了。呢度好多果jam呀，隻隻都好好味潻！

妹妮就唔係好好Ｄ果jam，不過用來點果jam D魚仔餅就啱晒佢！食完再食

同爸Ｂ圍住個雪櫃係咁食，食夠買夠我地要向酒店出發了，因為我地book晒晚餐架，唔可以太夜去到呀。

車程大半個鐘，大約６：３０我地終於去到酒店了，我地book左十勝岳既湯元白金溫泉酒店。見到個門面都似模似樣，感覺幾好呀。

入到房了！

未開餐又費事趕住去浸溫泉，就係房hea下先

七點半開餐，就有姐姐入黎set 枱。本來想同妹妮換番件和衣，但係個扭計妹點都唔肯著

唔理喇，食飯先算。我地book埋妹妮份兒童餐，等佢有野食，你知啦，呢度山卡隙咁遠，又點出去買其他野比妹妮食喎，點定個餐隱陣嘛。

又全家幅

妹妮份餐首先上左幾件壽司同蛋糕，佢居然一手嗱起腐皮卷食噃！

大人餐有好肥美既麵豉醬十勝牛，味度唔錯架，不過我唔食肥既就覺得肥左Ｄ

呢個懷疑係豬肉既沙律都好好味架。

跟住仲有tempura，魚生，三文魚，湯，燉蛋等，食晒都已經好飽了。

妹妮初時唔係食好多，不過我地今晚發現左一個好有效令妹妮食野既方法！居然係邊講故仔邊餵食！！我地帶左兩本圖書，妹妮個人又不厭其煩，每次講完本書都又重覆再講！我地就一邊講一邊餵，餵餵下佢仲話自己食潻！於是碗茄汁意粉，兜焗白汁意粉，塊漢堡扒撈埋壽司飯，都一一清晒！！

當然連我地個夕張密瓜都清埋！

飯後姐姐入黎清好Ｄ枱就幫我地鋪牀，幾年前我同公公去箱根旅行時都係住呢Ｄ溫泉酒店架。係房食同瞓，連早餐都入房set埋架。妹妮見姐姐入黎鋪牀，仲係Ｄ牀褥到跳彈床！要捉住佢先停。

話咁快就set好Ｄ床，我地又去浸溫泉喇！妹妮浸上癮，當去泳池玩水一樣。呢度仲有埋露天溫泉，我地都有出去浸呀，雖然係夏天，但係都感到上身涼下身熱！如果冬天浸既感覺一定更特別！

浸完溫泉，全身紅晒，爸Ｂ更加攰到軟晒，要覺豬豬喇！